InfoHub Logo

Tanymal qazaqstandyq prodúser Baıan Alagózova aty ańyzǵa aınalǵan aktrısa, Qazaqstannyń halyq ártisi Merýert Ótekeshovaǵa qatysty jaǵdaıǵa qatysty alańdaýshylyǵyn bildirdi.

Bul týraly Infohub.kz aqparat agenttigi habarlaıdy.

Stýdentterdiń áreketine narazylyq

Baıan Alagózova óziniń Instagram paraqshasynda bul oqıǵaǵa baılanysty ótkir pikir jarıalady. Ol stýdentterdiń óz ustazyna jasaǵan qarym-qatynasyn satqyndyq dep atap, bul jaǵdaıǵa dekannyń da qatysy bar ekenin meńzedi. «Merýert apa úshin qatty janym aýyryp tur, óte qatty... Bul – óz ustazyńa jasalǵan satqyndyq, arqaǵa pyshaq suqqanmen teń. Tipti bul iske dekannyń qatysy bolsa da?! Eresek stýdentterdiń óz basy, óz oıy joq pa?» – dep jazdy prodúser.

Oqıǵanyń mán-jaıy

Aqparatqa súıensek, «Shabyt» óner akademıasynyń stýdentteri Merýert Ótekeshovadan bas tartyp, oǵan qarsy aryz jazǵan. Alaıda, keıin stýdentter bul aryzdy jazýǵa dekan Ernıaz Birimqulovtyń yqpal etkenin aıtyp shaǵymdanǵan. Qazirgi tańda stýdentter ádildik talap etip otyr.