InfoHub Logo

Qaraǵandy oblysy,
"Balqash qalasy, Abaı atyndaǵy №2 lıseı" KMM
geografıa páni muǵalimi Jaqsygeldına Shamshat Tılekovna.

Taqyryby:«Meniń elim» (etnogegrafıalyq zıatkerlik, tanymdyq saıys)
Maqsaty: Oqýshylardyń ózderiniń ata jurty, mekeni, otany – Qazaqstan týraly alǵan bilimderin sarapqa salyp taldaýǵa, óz elin, jerin qorǵaı bilýge, tabıǵat baılyqtardy kózdiń qarashyǵyndaı saqtaýǵa jáne toptyq jumys barysynda uıymshyldyqqa, erkindikke, izdenimpazdyqqa baýlý.
Kórnekiligi: ınteraktıvti taqta, úlestirme qaǵazdar, qamshy, kıiz úı, dombyra
Muǵalim sózi: «Óz elin, óziniń kindik kesken týǵan jerin, ana sútimen daryǵan týǵan tilin túsinbeıtin adam joq. Bizdiń týǵan elimiz – Qazaqstan! Dalasy qara kóz jetpeıtin keń, taýlary aıbatty, halqy mereıli ǵajaıyp ólke», Qazaqstan elinde turatyn árbir azamat Elbasynyń osy sózin júreginiń tereń túkpirinde qashanda esinde ustaýy kerek. Bıylǵy jyldyń mereıi asa zor uly merekeleriniń biri Qazaq handyǵynyń qurylǵanyna jyl tolýy, olaı bolsa búgingi ótkeli turǵan «Meniń elim» atty etnogeografıalyq zıatkerlik saıysy osy uly merekege arnalyp otyr. Búgingi saıystyń júrgizýshileri: 9 A synyp oqýshylary qalalyq tarıh pániniń olımpıada jeńimpazy Satıbek Sh jáne geografıa pániniń oblystyq ǵylymı joba jeńimpazy Karıbaeva A.
Júrgizýshi:
Armysyzdar qadirli muǵalimder, oqýshylar! Bizdiń «Meniń elim»» atty etnogeografıalyq - tanymdyq saıysyna qosh keldińizder!
Júrgizýshi:
Kindik qanyń tamyp, týyp - ósken mekenińdi, tabanyń tıip turǵan topyraqty bárinen artyq kórýge haqylysyń. Týǵan jerdiń bir túıir tasy jattyń at basyndaı altynynan qymbat emes pe? Dýlyǵaly ata - babalarymyz keń dalasyn, asqar taýyn, sarqyrap aqqan kók ózenin qorǵap, maqtan etken, bizge muraǵa qaldyrǵan. Qazirgi tarıhı shaqta, táýelsizdik keńistiginde kúndeı jarqyrap otanshyldyq rýh pen týǵan jerge degen mahabbat sáýle shashyp turýy kerek. Ár qazaqstandyq óz eliniń kartasyna kóz salyp, baıtaq ólkesin, týǵan jerin maqtan tutýǵa tıisti.
Júrgizýshi:
San ǵasyrlar tarıhynan keshegi,
týǵan jerdiń shejiresi ósedi.
Meniń elim, Qazaqstan – Otanym
bolashaǵy bizben birge ósedi.
- dep HHİ ǵasyrdyń talantty jastaryn, búgingi saıysymyzǵa qatysqaly otyrǵan – 8 A, B, V synyp oqýshylarynyń toptaryn ortaǵa shaqyramyz:
İ top – «Han táńiri»toby. Top basshysy - Baıtýrhanova G
İİ top –«Kókshetaý» toby. Top basshysy – Sovatova E
İİİ top «Barys» toby. Top basshysy Serikbol E

Júrgizýshi:
Búgingi saıysymyz 4 kezeńnen turady.
İ kezeń «Báıge»
İİ kezeń «Samǵaý»
İİİ kezeń «Shyrqaý»
İÚ kezeń «Sharyqtaý» dep atalady

Júrgizýshi:
Búgingi saıysymyzdyń ádil baǵasyn beretin ádiletti ádilqazylarmen tanys bolyńyzdar!
-----------------------
saıysymyzdyń kezeńderi qyran qusynyń ushý belesterimen atalyp turǵanyn baıqaǵan bolarsyzdar, endeshe bilimdi oıynshylarymyzben birge jankúıerler de qoshemettep, kóterińki kóńil kúı, asqan kúsh qýat bere otyryp, bıikke samǵańyzdar demekpiz
Júrgizýshi:
Ǵylymnyń syryn uǵyna,
Shyǵyńdar bilim shyńyna!
Saıyskerlerge sát sapar tileımiz! – dep sóz kezegin top basshylaryna beremiz. Ózderiniń toptaryn tanystyryp ótsin. (rahmet)
Al, iske sát,- deı otyryp, oıynymyzdy bastaımyz.

İ kezeń – «Báıge»dep atalady. Bul kezeńniń sharty mynadaı ár topqa mınýtta suraqtan qoıylady, suraqqa tez jaýap berý kerek, bilmegen suraqtaryńyzdy kelesi dep jalǵastyrasyzdar. Ár suraq upaıdan. Basqa top suraqtarǵa jaýap bermeıdi, óz suraqtaryn kútip turady.(suraqtar oqylady

İ top suraqtary:
1. Qazaqstan Respýblıkasy týynyń avtory kim?(Sh. Nıazbekov)
2. Qazaqstan jer kólemi boıynsha neshinshi orynda? (9)
3. Otyrar qalasynyń arabsha aty. (Farab)
4. Qazaq handyǵynyń negizin qalaǵan kimder? (Kereı men Jánibek)
5. «Aral teńizi» eńbeginiń avtory kim? (L. S. Berg)
6. Qazaqstan Respýblıkasynyń eń bıik núktesi? (Han táńiri 6995 m)
7. Qazaqstan qaı jyly BUU múshe bolyp qabyldandy?(1992 jyly 2 naýryzda)