InfoHub Logo

Birneshe halyqaralyq adam quqyqtaryn qorǵaý uıymy Ortalyq Azıa elderiniń bıligine úndeý tastap, azamattyq qoǵamnyń jumysyna kedergi keltirip, aqparatqa qoljetimdilikti shektep jatqanyna alańdaýshylyq bildirdi. Olar bılikti azamattyq bostandyqty qamtamasyz etýge shaqyrdy.

Bul týraly Infohub.kz aqparat agenttigi habarlaıdy.

Azamattyq keńistikti qysqartýǵa alańdaýshylyq

Halyqaralyq adam quqyqtaryn qorǵaý jáne zańdylyqty saqtaý jónindegi seriktestik (IPHR), Qazaqstandyq halyqaralyq adam quqyqtary jáne zańdylyqty saqtaý búrosy (QHAQB), Ortalyq Azıadaǵy adam quqyqtary jónindegi qaýymdastyq (AQQA) jáne Túrkimenstannyń adam quqyqtary jónindegi bastamasy (TAQB) birlesken málimdeme jasady. Olar Ortalyq Azıa elderinde oı erkindigin basý, azamattyq keńistikti taryltý jáne sıfrlyq salada aqparatqa qoljetimdilikti qıyndatý úshin sharalardyń kúsheıtilip jatqanyna qatty alańdaýshylyq bildirdi.

«Biz Ortalyq Azıa elderiniń úkimetterin adamgershilik ólshemder aıasyndaǵy mindettemelerin oryndaýǵa, onlaın pikir bildirýge qarsy zańdardy asyra paıdalanýdy toqtatýǵa, azamattyq qoǵam ókilderin qýdalaý men qorqytýdy doǵarýǵa jáne sıfrlyq keńistiktiń ashyq, qaýipsiz ári qoljetimdi bolýyn qamtamasyz etýge shaqyramyz. Jýrnalıserdi, blogerlerdi jáne quqyq qorǵaýshylardy onlaın qyzmetteri úshin qýdalaýdan qorǵaýǵa naqty qadamdar jasaý qajet», - delingen quqyq qorǵaý uıymdarynyń málimdemesinde.

Sıfrlyq keńistikke qysym

Quqyq qorǵaýshylardyń pikirinshe, tehnıkalyq shekteýler jaǵdaıdy odan ári ýshyqtyrady. Kıbershabýyldar, saıttardy buǵattaý jáne ınternetti óshirý azamattyq qoǵam men táýelsiz BAQ-tyń jumysyna kedergi keltiredi.

«Áleýmettik jelilerdegi kontentke shaǵymdaný tetikterin asyra paıdalaný óte alańdaýshylyq týdyratyn qubylys bolyp otyr. Úılesimdi jáne negizsiz shaǵymdar arqyly táýelsiz akkaýnttardy ýaqytsha toqtatýǵa nemese joıýǵa ákeledi. Qazaqstanda sońǵy aılarda BAQ, uıymdar, jýrnalıser men blogerler kóbirek shaǵymdardan keıin akkaýnttarynyń nemese kontentteriniń buǵattalǵany nemese joıylǵany týraly habarlaıdy», - delingen málimdemede.

Qazaqstandyq jýrnalıserge qatysty ister

Halyqaralyq uıymdar málimdemesinde Qazaqstannyń birqatar jýrnalıserine qatysty qylmystyq isterge de toqtaldy. Olardyń qatarynda «QazTAG» bas redaktory Ámir Qasenov, Orda.kz bas redaktory Gúlnara Bajkenova, jýrnalıs Botagóz Omarova bar. Bul tulǵalar «jalǵan» aqparat taratty degen aıyppen úı qamaǵyna alynǵan. Sondaı-aq, jýrnalıs Lýkpan Ahmedárovqa qatysty qylmystyq tergeý de aıtyldy.

Quqyq qorǵaýshylar Ortalyq Azıa elderiniń úkimetterin sıfrlyq quraldar men zańnamany asyra paıdalanýdy toqtatý úshin naqty qadamdar jasaýǵa, al EQYU-ǵa múshe basqa memleketterdi bul kúsh-jigerdi belsendi qoldaýǵa shaqyrady.

Sonymen qatar, quqyq qorǵaýshylardyń aıtýynsha, áleýmettik jeli platformalary ózderiniń moderasıa saıasattary men bıznes sheshimderi zańdy pikir bildirýdi nemese aqparatqa qoljetimdilikti basýǵa yqpal etpeıtinine kepildik berýi tıis.

MPPCH, QHAQB, AQQA jáne TAQB óz málimdemesinde Ortalyq Azıa elderiniń úkimetterin mynadaı sharalardy qabyldaýǵa shaqyrady: onlaın pikir bildirgeni úshin qylmystyq jaýapkershilikten bas tartý jáne jalǵan aqparat taratý, jala jabý sıaqty anyq emes quqyq buzýshylyqtardy tolyqtaı krımınalızasıadan shyǵarý; onlaın kontentke kez kelgen shekteýler, sonyń ishinde saıttardy buǵattaý jáne platformalardy jabý zańdy, qajetti, proporsıonaldy jáne táýelsiz sot baqylaýyna jatatynyna kepildik berý; ınternetti óshirýden bas tartý jáne ınternetke úzilissiz qoljetimdilikti qamtamasyz etý, sonyń ishinde qoǵamdyq jıyndar men daǵdarys jaǵdaılarynda; táýelsiz BAQ pen azamattyq qoǵam ókilderine baǵyttalǵan kıbershabýyldar men sıfrlyq aralasýdyń basqa da formalaryn tergep, aldyn alý.

Sondaı-aq, quqyq qorǵaýshylar kontentti moderasıalaý jáne akkaýnttardy joıý týraly sheshimder adam quqyqtarynyń halyqaralyq standarttaryna negizdelýine jáne memlekettik sheneýnikterdi nemese saıasatty synaıtyn zańdy pikir bildirýdi shekteýge baǵyttalǵan úılesimdi shaǵymdar nemese úkimetterdiń tikeleı suranystary boıynsha áreketterden bas tartýǵa shaqyrady.

Shaǵymdaný jáne habarlaý tetikterin asyra paıdalanýdan qorǵaýdy kúsheıtýdi suraıdy.