f.azh.kz
Aqtóbede muǵalimge grant aqshasyn qaıtarý týraly sot sheshimi shyqty
Aqtóbede jas muǵalim memleketten alǵan bilim grantynyń aqshasyn qaıtarýǵa májbúr boldy. Sot sheshimimen ol 886 myń teńge kólemindegi qarajatty memleketke qaıtarýǵa tıis.
Bul týraly Infohub.kz aqparat agenttigi habarlaıdy.
Sot materıaldaryna sáıkes, muǵalim 2017 jyly 1,7 mıllıon teńgege bilim grantyn ıelengen. Baǵdarlama boıynsha ol Aqtóbe oblysynyń Mártók aýdanyndaǵy aýyl mektebinde keminde úsh jyl jumys isteýi kerek edi.
Alaıda, muǵalim aýyl mektebinde nebári 18 aı (jastar praktıkasyn qosa alǵanda) jumys istep, qyzmetinen bosatylyp, Aqtóbe qalasyna kóship ketken. Keıin qaladaǵy mektep-gımnazıalardyń birine ornalasqan.
Memlekettik qarajatty qaıtarý talaby
Qarjy ortalyǵy muǵalimnen oqýǵa jumsalǵan 886 myń teńgeni, sondaı-aq 18 aı jumys istemegeni úshin 448,6 myń teńge kólemindegi ósimpuldy óndirip alýdy talap etip, sotqa talap-aryz bergen.
Sotta jaýapker óz is-áreketin aqtaýǵa tyrysyp, aýyl mektebinde óziniń mamandyǵy boıynsha (shet tili) bos jumys orny bolmaǵandyqtan, qalaǵa ketýge májbúr bolǵanyn aıtty. Alaıda, sot bul ýájderdi dálelsiz dep tapty.
Sot sheshimi
«Sot jaýapkerdiń ýájderi tıisti dáleldermen rastalmaǵanyn jáne ony qabyldanǵan mindettemelerdi oryndaýdan bosatpaıtynyn anyqtady», - dep habarlady sottyń baspasóz qyzmeti.
Nátıjesinde, Qarjy ortalyǵynyń talap aryzy ishinara qanaǵattandyryldy. Muǵalimge oqýǵa jumsalǵan 886 myń teńgeni qaıtarý mindetteldi. Ósimpuldy óndirip alý týraly talap sotpen qabyldanbady, sebebi ol somanyń negizsiz ekeni aıtyldy.
Atalǵan sot aktisine shaǵym túsirilmegen jáne ol zańdy kúshine engen.
-
Kasym Oteshev, ızvestnyı kak «Han», provedet 10 sýtok pod admınıstratıvnym arestom za narýshenıe zashıtnogo predpısanıa v otnoshenıı sýprýgı.
-
A court has ruled that a teacher must repay a significant portion of their education grant after leaving their assigned rural post before fulfilling their service obligation.
