InfoHub Logo

Birde Qystaýbaı degen kedeı adam Qońyrdaǵy daýyn sheshtirý úshin Abylaıǵa keledi. Abylaı Qystaýbaıdy tyńdap bolǵan soń:

— Bul daýyńdy sheshsem, maǵan ne beresiń? — dep suraıdy.

Qystaýbaı:

— Taqsyr, meniń siz alýǵa jaraıtyn nem bar deısiz? — deıdi.

Abylaı:

— Seniń on tórtke kelgen boıjetken qyzyń bar. Sol qyzyńdy Aqberdige beresiń, ol elýge jańa shyqty, ózi baı, basynyń tazy jazylmaı júrgeni bolmasa, qyzyńa laıyq, durys adam emes pe? — deıdi.

«Sonda bir daýdy sheshý úshin jap-jas balamdy ózi kári, ózi taz Aqberdige qor qylmaıyn, odan da ótegennen baryp, arasha-kómek suraıyn» dep oılaǵan Qystaýbaı Abylaıǵa:

— Aldıar, úıge baryp qabyrǵammen keńesip kóreıin, jaýabyn sosyn beremin, — deıdi de, ózi ótegen batyrdyń aýylyn izdep júrip ketedi.

Abylaıdan úmiti úzilip, taýy shaǵylǵan Qystaýbaı ótegenge kelip, arasha suraıdy. Abylaı hanǵa bir aýyz aıtyp, arasha túsýin, qyzyn Aqberdige qımaıtynyn aıtady.

Ótegen Qystaýbaıdy ertip Abylaı hanǵa keledi. At ústinde turyp:

— Abylaı, sen myna beısharanyń Qońyrdaǵy daýyn nege sheshpeı jiberdiń? Asty qorlama qustyrady, eldi qorlama sastyrady. Tyńdamasań, tyńdattyramyn, el qa- naǵan sendeı tóreni aıdap júrip qurttyramyn! — dep, at basyn burmastan júrip ketipti. Abylaı toqta dese de, toqtamapty. Sodan Abylaı Qystaýbaıdyń daýyn onyń paıdasyna sheshken eken.

Oqýǵa keńes beremiz:

Ótegenniń qyz berýi

Ótegenniń qaryzyn qaıtarýy

Ótegenniń Abylaıdy synaýy

---