InfoHub Logo

Taıaý Shyǵystaǵy shıelenis kúrdelene túsken shaqta, Qazaqstannyń AQSH pen Iran arasyndaǵy qaqtyǵysta qandaı ustanymda bolatyny kópshilikti tolǵandyrýda. Bul suraqqa Syrtqy ister mınıstriniń orynbasary Álibek Baqaev jaýap berdi.

Bul týraly Infohub.kz aqparat agenttigi habarlaıdy.

Beıtaraptyq ustanymy

Álibek Baqaev Qazaqstannyń úshinshi memleketterdiń ishki isterine aralaspaý qaǵıdatyn árdaıym ustanyp kele jatqanyn jáne bul ustanymnan eshqashan aınymaıtynyn atap ótti. «Sondyqtan bul jaǵdaıda biz eshbir tarapty qoldamaımyz: Iran tarapyn da, shabýylǵa ushyraǵan elderdiń tarapyn da qoldamaımyz», - dedi ol.

Dıplomatıalyq sheshimge basymdyq

Vıse-mınıstrdiń aıtýynsha, Qazaqstan áskerı qaqtyǵystardyń bolmaǵanyn qalaıdy. Al eger olar oryn alsa, onda olardyń sheshimi mindetti túrde dıplomatıalyq kelissózder arqyly, halyqaralyq quqyq normalary men BUU Jarǵysyna sáıkes tabylýy tıis. Bul ustanym ózgerissiz qalady.

Kelissózder platformasyn usynýǵa daıyn

Sonymen qatar, Álibek Baqaev Qazaqstan Iran boıynsha kelissózder júrgizý úshin platforma usynýǵa daıyn ekenin jetkizdi. Ol buǵan deıin elimizdiń mundaı kezdesýler ótkizý tájirıbesi bar ekenin eske saldy.

Buǵan deıin Qazaqstan Syrtqy ister mınıstrligi Iran halqyna kóńil aıtyp, Iranǵa qarsy soǵysqa qatyspaıtynyn málimdegen bolatyn. Alaıda, arab memleketteriniń azamattyq nysandaryna jasalǵan soqqylarǵa alańdaýshylyq bildirgen edi.