InfoHub Logo

Qaraǵandy oblysy, Jańaarqa aýdany,
S. Seıfýllın atyndaǵy orta mektebiniń psıhology
Shakenov Aıbol Tóleýbaıuly

Qaraǵandy qalasynda ótken
«Daryndy balalarǵa - talantty ustaz!»
atty oblystyq jarysta V dárejeli dıplommen marapattaldym.

Qabyldaýda – aldanba» trenıńi
Trenıńtiń maqsaty: Oqýshylarǵa qabyldaýdyń túrlerin túsindire otyryp, qabyldaýda aldanbaýǵa daǵdylandyrý.
Kórnekilikter: Slaıd, túrli ıllúzıalar kórsetilgen slaıdtar, «Batyr – baıan» kınosynan úzindi vıdeorolık, úsh asyq (qyzyl, aq, jasyl) qorjynda, kún oıynshyǵy.
Trenıń barysy:
- Sálemetsizder me!!
- Búgingi «Qabyldaýda – aldanba» - atty trenıńimizge qosh keldińizder.

Tanysý jattyǵýy:
Ár oqýshy óz júregine qolyn qoıyp, meniń atym Aıbol – adamgershilmin nemese Madına – meıirimdimin dep óz atyn aıtyp óziniń boıyndaǵy jaqsy qasıetin aıtýy kerek.

Negizgi bólim.
1. «Qabyldaý týraly ilim» baıandama oqylady.
2. «Úsh asyq» oıyny.
1 - shi asyq «jasyl asyq»
Batyr Baıan kınosynan úzindi.
Interaktıvti taqtada.
Kórip qabyldaý. Talqylaý.
- Kóz - aldaryńyzda qalaı boldy? Qalaı qabyldadyńyzdar?
- Bul ıaǵnı kózdi ashyp, kórý arqyly qabyldaý.

2 - shi asyq «aq asyq»
Eń daladaǵy tynys – tirshilikti qabyldaý.
Men úshke deıin sanaımyn, kózderińizdi jumyp qabyldaýǵa kirisińizder. Bir, eki, úsh...
Qatarynan tizile shógip, kúıis qaıyryp jatqan túıeler býsanyp zorǵa dem alady. Tershigen denelerinen syzdyqtap kógildir bý shyǵady. Butalardyń arasynda tusaýly attar ár shóptiń basyn bir shalyp, qarǵyp attap júr. Batar kúnniń qyzyl – araı sáýlesine de, aǵashtardyń japyraqtary da, ushyp – qonyp júrgen qazdar, qońyzdar men shybyn shirkeıler de, osylardyń bári de, jalt - jult etip, júz qubylady.
Ystyq aptaby qaıtyp, múlkigen tabıǵatta sergı bastady. Myń - myńdaǵan túrli - túrli shybyn shirkeılerdiń yzynynan aýa yǵy - jyǵy bolyp, tal arasynda saıraǵan shymshyqtardyń daýsy estiledi.
Mańaıdaǵy eginne qıqý salǵan qaz ben úırek bytpyldaǵan bódene daýysy shyǵady.
Sh. Ýalıhanov «Shyǵys Túrkistanǵa saıahat kúndeligi» /Tańdamaly. Almaty/ «Jazýshy» 1980 j. 209 bet.
Kóz - aldaryńyzda qalaı boldy? Qalaı qabyldadyńyzdar?
- Bul ıaǵnı kózdi jumyp, estý, ishki túsiný arqyly qabyldaý.

3 - shi asyq «qyzyl asyq»
Óleń oqý. S. Seıfýllınniń «Taý ishinde» óleńi.
Men kelem taý ishinde túndeletip,
Aımaqty kúńirentip, óleńdetip
Astymda aq boz atym sylań qaǵyp,
Jaltaqtap qulaqtaryn eleńdetip,
Aq boz at meniń tulparym,
Shalqyǵan kóńil suńqarym,
Kókirek kerip juttym men
Aýanyń jazǵy juparyn!!!
Bul óleń qalaı qabyldandy? Qalaı qabyldadyńyz? – ıaǵnı bul sóz arqyly, tyńdaý arqyly. Oqý prosesi kezindegi verbaldi qabyldaý.

3. Al endi «Illúzıalar» - atty slaıd kórsetiledi. Bul slaıdtarda ómirde kezdesetin qabyldaýda aldanbaý kerektigi jaıly psıhologıalyq málimetter beriledi.
Qanshalyqty qabyldap, aldanbaıtyndyǵymyzdy anyqtaıyq. Ortaǵa úsh oqýshy shyǵýyn suraımyn. Ol úsh oqýshy kezektesip taqtada ne beınelengenin kezektesip durystap qabyldap aıtýy kerek.
Talqylaý júrgiziledi.

4. «Kelesi kezdeskenshe» jattyǵýy oınatylady.
Meniń qolymda ǵajaıyp kún. Ol búgingi kúnge shýaq shashyp, bizge jylylyq, qýanysh, baqyt ákeledi. Nuryn tógedi. Sizder osy kúndi
bir - birińizge berip, búgingi trenıńten alǵan áserlerińizdi bólisip, tilekterińizdi top qatysýshylaryna arnaısyz. Bizdiń búgingi trenıńimiz aıaqtalýǵa jaqyn, biraq bizder kelesi trenıńte kezdesemiz degen úmitpen qoshtasamyz!!!
Kelesi kezdeskenshe kún jaqsy!!!
Taldaý. Búgingi trenıń sabaq sizge ne berdi?
Jańa neni bildińiz? Bolashaqta neni qoldanar edińiz?