InfoHub Logo

KeshYou tobynyń tarıhyna arnalǵan qujatty fılm jurtshylyqtyń nazaryn aýdaryp, burynǵy janjaldardy qaıta qozǵady. Alaıda, bul talqylaý fılm sheńberinen shyǵyp, ánshi Moldir Áýelbekovaǵa qarsy jappaı qýdalaýǵa ulasyp ketti.

Bul týraly Infohub.kz aqparat agenttigi habarlaıdy.

Jelidegi arandatý

Prodúser Arman Qarabaevtyń aıtýynsha, bastapqyda mádenıet ındýstrıasynyń tarıhy týraly konstrýktıvti áńgime bolady dep kútilgen joba, kerisinshe, qoǵamdaǵy agresıany oıatqan «jarylǵysh zatqa» aınalǵan. Ásirese, Moldir Áýelbekovany nysanaǵa alǵan jelidegi qýdalaýǵa «medıa sarapshylardyń» reaksıasy alańdaýshylyq týdyrady.

«Blogerlerdiń keıbir beınetaldaýlaryna qarap otyrsaq, syrt kózge obektıvti taldaý sıaqty kóringenimen, shyn máninde bul – manıpýlásıa jáne jasyryn qýdalaý. Bizdiń ındýstrıada muny «daǵdarysty pıardy paıdalaný» dep ataıdy. Bul óte sınıkalyq ádis: adamdar ánshini alǵashqyda-aq qatty synǵa alǵan kezde, onyń ústine jańa «táýelsiz tergeý» nemese «shynaıy taldaý» jasap jatqandaı syltaýmen, ony ábden qorlap, heıt jınaýǵa tyrysady», – deıdi Qarabaev.

Adamdy qorlaý – jabaıylyq

Qarabaev bul áreketti «ólgenniń ústine – ólik mingendeı» dep baǵalaıdy. Ol blogerlerdi «tóreshi» róline enip, prodúserler men fılm avtorlary sıaqty, ánshiniń taǵdyryna alańdamaı, jappaı qýdalaýdy kúsheıtetinin aıtady.

«Birdeńelerdi dáleldeý úshin adamnyń adamı qadirin taptap, onyń eńbegin elemeýge bolmaıdy. Ásirese, jyldar boıy el mádenıetine úles qosqan óner ıesin jaı ǵana haıp úshin joqqa shyǵarýǵa tyrysý – durys emes. Saraptamalyq maqala nemese sarapshy pikiri degen jeleýmen berilgen qýdalaý, qýdalaý bolyp qala beredi», – dep túıindedi prodúser.

Buǵan deıingi jaǵdaı

Buǵan deıin Baıan Alagózovanyń ulttyq qundylyq sanalatyn, 1970 jylǵy «Qyz Jibek» fılminen qalǵan kamzoldy kıgeni qoǵamda qyzý talqylanǵan bolatyn. Bul jaǵdaı da kópshiliktiń narazylyǵyn týdyrǵan edi.