InfoHub Logo

Qaıyrymdylyq jasaýdy dástúrge aınaldyrǵan, betperde men kózildirik kıip, eshkimge tanylmaı júrgen jas jigittiń kim ekeni týraly boljam aıtyldy. Alashtanýshy ǵalym Sultan Han Aqqulynyń aıtýynsha, bul Dımash Qudaıbergen bolýy yqtımal.

Bul týraly Infohub.kz aqparat agenttigi habarlaıdy.

Ǵalymnyń boljamy

Sultan Han Aqquly Adal ADAM YouTube arnasyna bergen suhbatynda qaıyrymdylyqpen aınalysyp júrgen beıtanys jigittiń kim ekenin biletinin málimdedi. Ol bul tulǵanyń qazaqstandyq ánshi Dımash Qudaıbergen ekenine boljam jasady. «Men onyń kim ekenin ishteı bilem. Sol Dımash Qudaıbergen ǵoı. Qazaqtyń Qudaı bergen azamaty Dımash dep oılaımyn. Nemese Dımashtyń atynan istep júrgen bir jaqyn dosy bolýy múmkin. Bir qyzyǵy, jurttyń kóbi solaı oılaıdy», - dedi ǵalym.

Qoǵamǵa úlgi bolarlyq is

Ǵalym bul áreketti qoǵamdaǵy baılarǵa úlgi retinde kórsetýge bolatynyn atap ótti. «Óziniń qaraqan basynyń qamyn oılaıtyn shirigen baılarǵa ónege bolarlyq is atqaryp júr. Ortamyzdan shyqqan qazaqtyń qarakóz azamaty ǵoı áıteýir», - dep qosty Sultan Han Aqquly.