x.com/Israel_katz
Izraıl Lıvanǵa operasıasyn keńeıtti, Fransıa BUU Qaýipsizdik Keńesiniń otyrysyn surady
Izraıl premer-mınıstri Bınámın Netanáhý Lıvandaǵy "Hezbolla" qozǵalysyna qarsy operasıany keńeıtýdi buıyrdy. Bul týraly Fransıa Syrtqy ister mınıstri Jan-Noel Barro málimdedi.
Bul týraly Infohub.kz aqparat agenttigi habarlaıdy.
Netanáhý jeksenbi kúni jarıalaǵan beıneúndeýinde: "Men Izraıl Qorǵanys armıasyna Lıvandaǵy manevrlerdi keńeıtýdi tapsyrdym. Bizdiń kúshterimiz Lıtanı ózeninen ótip, strategıalyq aýdandardy basyp aldy. Olar Bofor jotasyn baqylaýǵa aldy. Endi meniń nusqaýym – "Hezbolla" baqylaýynda bolǵan aýmaqtardaǵy baqylaýdy tereńdetip, keńeıtý", - dedi.
Fransıa BUU-ǵa júgindi
Fransıa Tel-Avıvtiń josparlaryna baılanysty BUU Qaýipsizdik Keńesiniń shuǵyl otyrysyn surady. Bul týraly jeksenbi kúni Fransıanyń Syrtqy ister mınıstri Jan-Noel Barro málimdedi. Agenttik Al Jazeera telearnasyna silteme jasap, 1 maýsymda Qaýipsizdik Keńesiniń Lıvan boıynsha tótenshe otyrysy ótetinin habarlady.
Bofor bekinisiniń alynýy
Birneshe saǵat buryn Izraıl qorǵanys mınıstri Israel Kas SAHAL-dyń Lıvannyń ońtústigindegi ortaǵasyrlyq Bofor bekinisin basyp alǵanyn málimdegen bolatyn. Bul bekinis 1982-2000 jyldardaǵy soǵys kezinde de Izraıldiń baqylaýynda bolǵan.
Netanáhý Bofor bekinisiniń alynýyn "Hezbollaǵa" qarsy naýqandaǵy "dramalyq burylys" dep atady.
-
Hokeıden álem chempıonatynda Norvegıa quramasy Kanadany jeńip, tarıhta alǵashqy medalin ıelendi.
-
Israel's Prime Minister Netanyahu orders an expanded operation against Hezbollah in Lebanon, prompting France to request an urgent UN Security Council meeting.
