InfoHub Logo

Aqtóbe oblysynyń Yrǵyz aýdanynda 84 jastaǵy áje dúnıeden ozdy. Alaıda, onyń janazasynan keıingi rásimder jurtshylyqty tańǵaldyrdy. Ólgen úıdiń ıeleri marqumnyń artynan toı jasap, jınalǵan halyqqa altyn, kilem, kóılek jáne basqa da baǵaly zattardy taratyp, jurtty eleń etkizdi.

Bul týraly Infohub.kz aqparat agenttigi habarlaıdy.

Arnaıy daıyndalǵan «toıbastardy» halyq kúlip, qol soǵyp qabyldap alǵan. Bul kórinis áleýmettik jeli qoldanýshylary arasynda qyzý talqylaý týdyrdy. Kópshilik mundaı áreketti qazaq salty men dástúrine jat dep sanady.

Synǵa alynǵan dástúr

Belgili jýrnalıs Gúlmıra Ábiqaı bul jaǵdaıdy synǵa alyp, «Qandaı bolmasyn ólimniń aty – ólim, ajaldyń aty – ajal. Ólik shyqqan úı – qaraly. Ólimniń kórki – joqtaý» dep pikir bildirdi. Ol qazaq halqynyń dástúrinde 90 jastan asqan adamnyń artynan ǵana toı jasalatynyn, onyń ózinde tek tábárák taratylatynyn eske saldy. Jyldyq astan keıin ǵana arnaıy toı uıymdastyrylatynyn aıtty.

Jýrnalıs marqumnyń jeke zattaryn janazadan keıin jaqyndaryna amanattap taratsa jetkilikti ekenin, al jerleý rásiminen keıin birden toı jasap, sandyqtardy aqtaryp, halyqqa zat taratýdyń óziniń júregin aýyrtqanyn jetkizdi. Ol mundaı árekettiń halyqqa salmaq salatynyn aıtyp, kúıinishin bildirdi.