Photo: Vitali Adutskevich (https://www.pexels.com/@vadutskevich) / Pexels
Tarazdyq oqýshy UBT-dan 140 bal jınap, Mercedes nemese páter utyp aldy
Taraz qalasynyń oqýshysy Nýrganat Qanat Ulttyq biryńǵaı testileýde (UBT) 140 baldyń 140-yn jınap, absolútti rekord ornatty. Endi onyń aldynda kóptegen qazaqstandyq túlekter armandaıtyn tańdaý tur: bıznes-klass páter, Mercedes E-Class avtokóligi nemese 50 mıllıon teńge aqshalaı syıaqy. Bul syılyqty Nýrganat bilim alǵan JUZ40 bilim berý ortalyǵy usyndy.
Bul týraly Infohub.kz aqparat agenttigi habarlaıdy.
Syılyqtardyń tizimi
JUZ40 bilim berý ortalyǵynyń sharttaryna sáıkes, Nýrganat bıznes-klass páter, Mercedes E-Class avtokóligi nemese 50 mıllıon teńge aqshalaı syıaqynyń birin tańdaı alady.
Sonymen qatar, ortalyq oqýshyǵa tórt jyl boıy aı saıyn 140 000 teńge kóleminde shákirtaqy tóleýge mindettenedi. Al onyń ata-anasyna 3 mıllıon teńge kóleminde aqshalaı syıaqy beriledi.
Nýrganattyń ózi ne deıdi?
«UBT-ǵa daıyndyq kezinde ózime eń joǵary bal jınaýdy maqsat ettim. Mine, sol maqsatyma jettim. Bul – kóp jylǵy eńbektiń, otbasymnyń qoldaýynyń jáne muǵalimderimniń maǵan degen seniminiń nátıjesi», – dep bólisti túlek.
140 bal jınaý qanshalyqty sırek
Bıylǵy jyly UBT-ǵa shamamen 240 myń túlek qatysýǵa múmkindik aldy. Testini eki ret tapsyrý múmkindigin eskersek, 446 myńnan astam ótinish qabyldandy. Testileý 10 shildege deıin jalǵasady. Osyǵan oraı, 140 bal jınaý – erekshe jetistik.
JUZ40 degen kim?
JUZ40 – 2018 jyldan beri jumys istep kele jatqan EdTech bilim berý ortalyǵy. Ol 10-11 synyp oqýshylaryn UBT-ǵa daıyndaýǵa mamandanǵan.
-
Aqtóbe oblysynyń Yrǵyz aýdanynda 84 jastaǵy ájeni jerleý rásiminde bolǵan oqıǵa eldi eleń etkizdi. Janaza sońy toıǵa ulasyp, jınalǵan jurtshylyqqa altyn, kilem, kıim-keshek sıaqty baǵaly zattar taratyldy.
-
A Taraz student achieved a perfect score on the national unified testing, earning a chance to win a luxury apartment, a Mercedes, or a substantial cash prize.
