InfoHub Logo

Jetisý oblysynda Qazaqstandaǵy eń bıik Býrhan-Bulaq sarqyramasyna baratyn jol qurylysy bastaldy. Bul týraly Infohub.kz aqparat agenttigi habarlaıdy.

Buǵan deıin sarqyramaǵa jetý qıyn bolǵandyqtan, týrıser kóp jaǵdaıda jaıaý júrýge májbúr edi. Endi oblys ákimdigi týrıserge qolaıly jaǵdaı jasaý úshin jol boıyndaǵy jumystardyń bastalǵanyn habarlady.

Jol qurylysynyń barysy

Qazirgi tańda nysannyń aýmaǵynda burǵylaý-jarý jumystary júrgizilip, tabıǵı topyraq tazartylýda. Sondaı-aq, jol tóseminiń negizi daıyndalýda. Qazirgi ýaqytta shamamen 2,8 shaqyrym joldyń negizi qalanǵan.

Jalpy, 30 shaqyrymǵa jýyq jol salý josparlanǵan. Jobanyń jalpy quny 13,8 mıllıard teńgeni quraıdy. 2025 jyly qurylys jumystaryn bastaý úshin Ulttyq qor esebinen 3,9 mıllıard teńge bólinip, ıgerildi. Al 2026 jylǵa jergilikti búdjetten 1 mıllıard teńge qarastyrylǵan. Joldyń uzyndyǵy – 30,8 shaqyrym. Bas merdiger – «Progres KZ» JSHS.

Týrzona ashylady

Sarqyrama mańynda demalys aımaǵyn, onyń ishinde beıneleý oryndary men sanıtarlyq toraptardy salý kózdelgen. Sondaı-aq, avtoturaqtar da qarastyrylǵan. Negizgi jumystar aıaqtalǵannan keıin ınvestorlardy tartý josparlanýda. Jobany 2027 jyldyń sońyna deıin aıaqtaý kózdelýde.

Býrhan-Bulaq sarqyramasy týraly

Býrhan-Bulaq – Qazaqstandaǵy eń bıik sarqyrama, onyń jalpy bıiktigi 168 metrdi quraıdy. Ol Qora ózeniniń shatqalynda (Jońǵar Alataýy, Eskeldi aýdany) ornalasqan. Sarqyrama Tekeli qalasynan 70 shaqyrym, al Taldyqorǵannan shamamen 130 shaqyrym jerde jatyr.