InfoHub Logo

Soltústik Qazaqstan oblysy, Shal aqyn aýdany
Sergeevka qalasy, Qazaq orta mektebi KMM
10 synyp oqýshysy, qazaqstandyq jas patrıottar akademıasynyń múshesi
Satybaldıeva Aıda Talapovna
Jetekshisi: Mýkataeva Gýlmıra Sharıpovna

Otbasy – ár jeke tulǵanyń ósip-óner, tárbıe men meıirim nárin alatyn ystyq ta qadirli, altyn uıasy. Ár adamnyń ómirinde, júreginde «otbasy» degen ystyq sóz  úlken ról atqarady. Sebebi ár adamnyń  ómirindegi eń qýanyshty da qyzyq dáýreni otbasynda ótedi. Otbasy men úshin baǵa jetpes qazyna. Otbasyma degen mahabbatymdy sózben jetkizý múmkin emes. Otbasym - asqar taýdaı ákem, asyl jandy, qushaǵy jyly anam, únemi meniń qasymda júretin qamqorshym, inim – Aslan jáne men. Men otbasymdy erekshe baǵalaımyn, otbasymmen maqtanamyn. Otbasymyzdyń  qamqorshymyz, tiregimiz, júregimiz ol – asqar taýdaı ákemiz. Ákemniń qyzmeti jalǵyz otbasyn asyraýmen, qamqor bolýmen shektelmeıdi. Meniń jan ákemniń qyzmeti aýyr, ári jaýapty jumys. Sebebi ákeshim – Shal aqyn aýdanynyń İİB Jergilikti polısıa bastyǵy bolyp qyzmet etedi. Sheni maıor. Damylsyz qyzmet etip júrse de eshqashan ákemniń sharshap júrgen kezin kórmegenmin. Sebebi, ákem únemi óziniń atqaryp júrgen qyzmetin erekshe baǵalap, jaqsy kóretini jaıly aıtyp otyrady. Bizge de únemi «ulym, qyzym, bolashaqta ózderiń júrekterińmen qalaǵan jumysqa turyńdyr, sebebi, ózińniń istep jatqan isińnen sharshamaý – ol qyzmetińe degen mahabbatyń», - deıdi. Sol kezde ataqty, dana adamdardyń aıtqan myna sózi oıyma keledi. «Óziń súıip istegen jumysyńdy isteseń, ómirińde jumys istemegenmen teń» degen sózi oralady. Sol kezde oılaımyn, shynymen de meniń ákem óziniń júrek qalaýymen osy jumysty qalaǵan, sondyqtan da jumysynan da sharshamaıdy, jumystan soń da bizge qamqor bolyp, únemi bizdiń qasymyzda júredi. Sondaı tárbıeni  óziniń ystyq júregimen, analyq sezimin bizge berip, bizdi baǵyp – qaǵyp, aıalap otyrǵan anashym bolsa, mektepte shákirt tárbıelep otyr. Shákirt tárbıelep qanshama túlekterin ushyryp júrgen anamnyń da qyzmeti qıyn. Alaıda balanyń tilin taýyp, tildesý, jaqsy tárbıe berýdiń ózi bir úlken ǵanıbet-deıdi anam. Qazaqstannyń erteńgi bolashaǵy úshin tyrysyp, aq paraq betine syzý syzǵandaı balanyń kirshiksiz sanasyna alǵashqy adamgershilik, meıirimdilik nuryn seýip, bilim, óner nárimen sýsyndatýda. Ár balanyń júregine oryn taýyp, adam etip shyǵaryp, jol siltep, oqýshym dep moıymaǵan anam rasymen batyr ana. Qazirde anamnyń shákirtteri de úlken–úlken qyzmet etip júr, birazy anamnyń aıtýynsha muǵalim degen qyzyǵy men qıynshylyǵy qatar júretin mamandyqty tańdaǵan eken.  Ata-anamyz bos ýaqytynda  qasymyzdan tabylýǵa tyrysady. Otbasymen ótken árbir sátim men úshin úlken qýanysh. Olaı deıtin sebebim: birge ótken ýaqyttar áserli de,este qalarlyqtaı. Úı sharýasyndaǵy istegen árbir isimizge úlken baǵyt-baǵdar beretin ata-analarymyz. Olar jumystan kelgen sátte olardy qýantyp,tańǵaldyrýǵa tyrysamyn. İnim Aslanǵa sabaq oqýyna kómektesemin. Ol bos ýaqytynda kóbirek sportpen aınalysqandy unatady. Onyń aýdan, oblys kóleminde fýtbol sportynyń jeńisteri bolsa, «Qazaqsha kúresten» respýblıkalyq jarys ótken Pavlodar jáne Astana kóleminde júldeli jeńisteri de bar. Men úı sharýasyn bitirip, tátti taǵamdarmen dastarhan jaıyp, jaqsy kóńil-kúımen qarsy alamyn. «Meniń qolqanatym», «meniń aqylshym» dep ata-anam mańdaıymnan ıiskep, kúlip kiredi. Árbir istegen isterime rıza bolady. Olar meniń oqýdaǵy, mekteptegi qoǵamdyq jumystaǵy jetistiktermesúısinip, qýanyp otyrady. Otbasymnyń árbir múshesinen qoǵamǵa óz úlesterin tıgizip jatqanyn kóre alamyn.  Meniń otbasym - meniń maqtanyshym!

---