Sońǵy jańartý

(Ózgertilgen ýaqyty 5 kún buryn)
Qyryq ótirik ertegisi (kúndelikti sabaq jospary toptamasy)
Kúndelikti sabaq jospary, ádebıet 5 synyp.
Taqyryptar:
11. «Qyryq ótirik» ertegisi
12. Ańyz – áńgimeler, Asan Qaıǵy
13. Aqsaq qulan, Joshy han
14. Jırenshe sheshen men Qarashash sulý
15. Jırensheniń han synaǵyna túskeni


№3 Sabaq úlgisi:
1. Pán aty: Ádebıet
2. Synyby: 5
3. Kúni, aıy, jyly: 13 qazan
4. Toqsan:
5. Muǵalim: R. Qalmataeva
Sabaqtyń taqyryby: «Qyryq ótirik» ertegisi
Sabaqtyń maqsaty:
1. Bilimdilik: oqýshylardy ertegi mazmunymen tanystyrý, keıipkerlerge minezdeme berý.
2. Tárbıelik: Oqýshylardy ultjandylyqqa, eldi qorǵaýǵa tárbıeleý.
3. Damytýshylyq: oqýshylardyń ádebı dúnıetanymdaryn keńeıtý, mánerlep oqý daǵdylaryn damytý, qosymsha derekter arqyly pánge degen qyzyǵýshylyqtaryn arttyrý.
Sabaqtyń tıpi: jańa sabaqty túsindirý sabaǵy
Sabaqtyń túri: dástúrli sabaq.
Sabaqtyń ádis - tásili: taldaý, mánerlep oqý, áńgimeleý, túsindirý.
Sabaqtyń kórnekiligi: til, tarıh, geografıa
Pánaralyq baılanys: til, tarıh.

Sabaqtyń barysy:
İ. Uıymdastyrý kezeńi: 1. Oqýshylarmen sálemdesý.
2. Oqýshylardyń sabaqqa qatysýyn tekserý.
3. Oqýshylardyń zeıinderin sabaqqa aýdarý.

İİ. Úı tapsyrmasyn tekserý:
1. «Syrttandar» ertegisi týraly túsinik.
2. Ertegi keıipkerlerine minezdeme jazý.

İİİ. Bilim tekserý:
«Syrttandar» ertegisi boıynsha
1. Baı balasy qandaı tús kórdi?
2. Áke – sheshesi ne istedi?
3. Tústi kim jáne qalaı jorydy?
4. Bala qasqyrdan qalaı qashyp qutyldy?
5. Balanyń qasqyrdan qashyp qutylýyna kim kómektesti?
6. Qara aýyz ıt qara qasqyrdy qalaı jeńdi?

İV Jańa sabaqqa daıyndyq
1. Sabaq taqyrybyn taqtaǵa jazý
2. Sabaq maqsatyn túsindirý

V. Jańa taqyrypty túsindirý:
Jospar:
1. Hannyń halqyna shyǵarǵan jarlyǵy.
2. Tazsha balanyń han aldyna kelýi.
3. Hannyń Tazsha balany mysqyldaýy.
4. Tazsha balanyń ótirik áńgimesi.
5. Tazsha balanyń ótirik áńgimesiniń aıaqtalýy.
6. Hannyń Tazsha balaǵa tań qalýy.
7. Tazsha balanyń ótirik óleńi.
8. Hannyń jeńilýi.
Jospar boıynsha mátin bólimderge bólinip, ár qatarǵa toptastyrylǵan tapsyrmalar beriledi.

Vİ. Túsinik tekserý:
1. Ótirik áńgimeni tolyq oqyp shyǵyp, mazmunyn esterińe saqtańdar.
2. Ótirik áńgimeniń oqıǵasynyń qyzyq ta kúlkili bolyp shyǵýyna, mán maǵynasyna zer salyńdar.
3. Ótirik áńgimeniń oqıǵa tutastyǵyn ańǵar.
4. «Qyryq ótirik» atty áńgimeniń týýyna sebepshi bolǵan oqıǵany baıandap, mátinnen taýyp oqyńdar.
5. Tazsha balanyń qyryq ótirik áńgimesin óz aldyna oqyp, bólimderge bólip qarańdar:
a) joǵalǵan qulyn hıkaıasy;
á) qoıannyń oqıǵasy;
b) etiktiń shataǵy.

Vİİ. Jańa sabaqty bekitý:
1. Oqýlyqpen jumys.
1. Ár bólimniń mazmuny men onyń ishindegi áńgimeni bólek aıtyńdar, onyń nege ótirik ekenin dáleldeńder.
2. Ótirik óleńniń ár shýmaǵyn jeke – jeke oqyp, onyń mánin, maǵynasyn túsindirińder.
3. Ótirik áńgimeden tutastaı qaraǵanda qandaı qundylyqtar ańǵarýǵa bolady?
4. Erteginiń bastalýy men aıaqtalýynda ózderiń buryn oqyǵan ertegilermen uqsastyq bar ma?
5. «Qyryq ótirik» ertegisin ertegilerdiń shynshyl túrine qandaı sıpaty jaǵynan jatqyzýǵa bolady?
6. Ertegige berilgen sýretterge qarap áńgimeleńder.

Vİİİ. Sabaqty qorytý:
1. Baǵalaý
2. Úı tapsyrmasyn berý.
1. «Ótirik óleń» týraly túsinik
2. Ertegi keıipkerlerine minezdeme jazý.

Nazar aýdaryńyz! Jasyryn mátindi kórý úshin sizge saıtqa tirkelý qajet.


Tolyq nusqasyn qaraý

You Might Also Like

Jańalyqtar

Jarnama