Photo: Francesco Ungaro (https://www.pexels.com/@francesco-ungaro) / Pexels
Qazaqstan, Ózbekstan jáne Ázerbaıjan Eýropaǵa "jasyl" energıa eksporttaıdy
Qazaqstan, Ózbekstan jáne Ázerbaıjan arasyndaǵy "jasyl" energıa óndirý jáne tasymaldaý salasyndaǵy strategıalyq seriktestik týraly kelisimge Májilis ratıfıkasıa jasady. Bul kelisim Ortalyq Azıadan Kaspıı teńizi arqyly Eýropaǵa ekologıalyq taza elektr energıasyn, sýtegi men "jasyl" amıakty eksporttaýǵa múmkindik beretin "energetıkalyq dáliz" qurýdy kózdeıdi.
Bul týraly Infohub.kz aqparat agenttigi habarlaıdy.
Kaspıı teńizi arqyly jańa jol
Úsh el basshylary qol qoıǵan bul kelisim Táýelsiz Qazaqstan tarıhyndaǵy eń aýqymdy energetıkalyq jobalardyń biri bolyp sanalady. Jobanyń negizgi maqsaty – Kaspıı teńiziniń túbimen joǵary vóltty, tereń sýly turaqty tok kabelin tóseý. Bul Qazaqstanǵa Qara teńizdegi uqsas joba arqyly Eýropa Odaǵynyń elektr energıasy naryǵyna tikeleı shyǵýǵa jol ashady.
Halyqaralyq qoldaý
Italıalyq halyqaralyq konsaltıńtik kompanıa CESI qazirgi tańda tehnıkalyq-ekonomıkalyq negizdemeni ázirleýde. Jobanyń quny 1 mıllıon eýroǵa baǵalanyp otyr. Bul qarjyny Azıa Damý Banki men Azıa Infraqurylymdyq Investısıalar Banki grant retinde bóledi. Atalǵan bankter jobany qoldaýǵa 2 mıllıon dollarǵa deıin qarajat bólýge daıyn ekenin rastady.
Birlesken kásiporyn quryldy
Ótken jyldyń shilde aıynda úsh eldiń qatysýymen qurylǵan Green Corridor Alliance atty birlesken kásiporyn sarapshy toptardyń jumysyn úılestiredi.
-
V Kazahstane nachalsá referendým po prınátıý novoı Konstıtýsıı. Ýznaıte o hode golosovanıa, pervyh ızbırateláh ı vajnyh momentah.
-
Kazakhstan, Uzbekistan, and Azerbaijan are establishing a new energy route via the Caspian Sea to export clean electricity, hydrogen, and ammonia to Europe.
