InfoHub Logo

Orman qoıandary túnde aǵash qabyǵymen, al dala kójekteri kúzdik daqylmen, shóppen, qyrman bıdaıymen qorrektenedi. Túnde qar ústinde qoıan kózge kórinetin tereń izder qaldyrady. Qoıandy jem etýge bári áýes, ony adam da, ıt te, qasqyr da, túlki de, qarǵa da, qyran da aýlaıdy. Eger qoıan tikeleı júrse, onyń izderi arqyly ertemen taýyp alar edi; qoıan qorqaq, sol qorqaqtyǵy qoıandy aman saqtaıdy.

Qoıan túnde ormanda bolmasyn, dalada bolsyn qoryqpaı tik izder qaldyrady, al táńerteń onyń jaýlary oıana bastaıdy: qoıan bolsa saq qulaq, ıttiń úrgenin, shananyń syqyryn, mujyqtardyń daýysyn alystan estıdi, ne qasqyrdyń sart-surt dybysyn estip, árli-berli janushyra júgirip, jantalasa bastaıdy. Birese alǵa zytady, birese záresi ushyp artqa qashady, syldyrdy estip dirildep sekiredi, turǵan jerinen qaıta júgirip qashady. Sóıtip tańa atqansha sekirip júgiredi, tań atqanda uıqyǵa ketedi. Ertesinde ańshylar qoıannyń izin taba almaı dal bolady, onyń qosaq-qosaq, ońdy-soldy orǵyǵan izderden shatasyp, qoıannyń aılakerligine tań qalady. Al qoıan bolsa qýlyq jasaımyn dep oılaǵan emes, óıtkeni ol munyń bárin qoryqqanynan ǵana isteıtin.

Aýdarǵan Salaýat Kárim

---