InfoHub Logo

Taqyryby: Qosh keldiń, Naýryz, kóktemim!

Maqsaty: Balalarǵa qazaq halqynyń turmys – tirshiliginde, ádet - ǵurpynda erekshe oryn alǵan - Naýryz toıynyń ereksheligin, tabıǵat pen adamnyń baılanysyn balanyń jas ereksheligine baılanysty ózin qatystyra otyryp túsindirý.

Kórnekiligi: Naqyl sózder, ulttyq aıshyqtardyń sýreti. Keń zal ishi kúmbirlegen kúıge toly. Ortada dóńgelek ústel. Onda tostaǵan, ydystar. Qazaqtyń ulttyq kıimin kıgen toıly aýyldyń kórinisi.
Keshtiń barysy:
1 - júrgizýshi: Qurmetti ustazdar, ata - analar, balalar! Qazaq halqynyń turmys tirshiliginde erteden toılanyp kele jatqan meıramnyń biri - Naýryz. Iaǵnı, kún men túnniń teńelip, qar erip, kók shyǵa bastaıtyn kóktem aıy.
2 - júrgizýshi: Sondyqtan naýryz kúnin ejelden adamdar jańa - jyldyń basy dep, Ulystyń uly kúni dep jaqsy tilekpen qarsy alǵan. Endeshe, jer álemdi jaınatyp, ánshi qustardy saıratyp, Naýryz toıyn toılatyp Ulystyń uly kúni keldi,
Ekeýi birge: Toılaryńyz qutty bolsyn!
Aq mol bolsyn!
Bále - jala jerge ensin!
1 - oqýshy: Tyńdańyzdar, tyńdańyzdar! Toı dabylyn qaǵyp turǵan munda biz bar.

2 - oqýshy: Naýryz toıy bastaldy
Bir orynda turmańdar
Qyzyqtan qur qalmańdar.

3 - oqýshy: Aıtyp shattyq óleńin
Alaqaı der kún búgin
Túsindirip sebebin
Berer eken kim munyń?

4 - oqýshy: Jas káriniń, ul - qyzdyń
Toı dýmany saırany
22 - si naýryzdyń -
Bizde Naýryz meıramy.
(Osy kezde zalǵa kúı yrǵaǵymen nemerelerin ertip, Aq áje kiredi. Nemereleri ájeni ortaǵa alyp bı bıleıdi.)

Aq áje: Qashanda qut - bereke ornasyn dep
Toılarda shashý shashý salty elimniń
Ýa, halaıyq, terip al mámpásıdi
Qabyl qylsyn halqymnyń aq tileýin.
Naýryz kelse, qut kelgeni halaıyq!
Esik ashyp, shashý shashyp,
El bop qarsy alaıyq!
Ulys oń bolsyn!
Aq mol bolsyn!
Qaıda barsa jol bolsyn!

Ýa, aǵaıyn, týysqan,
Naýryz kún týdy shyǵystan.
Sol toıǵa keldim shaqyryp,
At terletip alystan.

Aq túıe qarny jaryldy
Naýryzdy elim saǵyndy
Asyqqyn sen de sol toıǵa
Barlyq jurt munda aǵyldy.

Kelińder Naýryz toıǵa báriń búgin,
Aıamas ónerpazdar án men jyryn
Toılaıyq halyq toıy naýryzymnyń
Shýaǵyn, jerge tókken baqyt kúnin.

Kelińder, Naýryz kúnin qarsy alaıyq
Bıleıik, jyr jyrlaıyq, án salaıyq.
Qaharly qystan ótip naýryz keldi
Arqańdy keńge salshy, ýa, halaıyq!

Án: Toıǵa shashý

1 - júrgizýshi:- Qanekeı qarsy alaıyq jyldyń basyn
Qosylyp jasqa - jasyń, basqa - basyń
Baraıyq keler jylǵa tórt kóz túgel
Aman bop alys - jaqyn, kári - jasyń.

(Jyl basy jylandy qarsy alý)
Jyl basy: Men keldim, mine, ortańyzǵa
Amandyq tilep barshańyzǵa
Saýlyǵyn bersin deımin bárińizge
Jetkenshe aǵaıynym JYLQY jylǵa.

2 - júrgizýshi: - Naýryzǵa búgin mine aǵyldy jurt
Kúttirip bar jurtymdy saǵyndyryp
Attaǵan esigimdi jańa ǵana
O, JYLAN, qutty keldiń, joǵary shyq.

Bas qonaq ózińsiń ǵoı osy toıda
Otyrshy tórimizge kórpe jaı da
Jylandy alǵash ret qarsy alǵan
Búldirshin kórset óner osyndaıda

1 - júrgizýshi: O, Jylan jyly ózińdi kútýshi búldirshinder shetterinen ónerli. Solardyń ónerin tamashalańyz.
Qazaq bıi.
Kelińder Naýryz kúnin qarsy alaıyq,
Bıleıik, jyr jyrlaıyq, án salaıyq.
Qaharly qystan ótip Naýryz keldi
Arqańdy keńge salshy, ýa halaıyq

Batys Qazaqstan oblysy, Oral qalasy,
№19 JOBBM - niń bastaýysh synyp muǵalimi
Damıra Izbasarova Narımanovna