InfoHub Logo

İ. Sabaqtyń taqyryby: Qustardy músindeımiz ( prezentasıasymen)
İİ. Sabaqtyń maqsaty:
a) bilimdilik: músin óneri týraly túsinigin keńeıtý, túrli músindeý tásilderimen tanysý, bederli músindeýdi úırený
á) damytýshylyq: músindeý daǵdysy men biliktiligin jetildirý; baıqaǵyshtyǵy men zeıinin damytý; qol eptiligine jattyqtyrý.
b) tárbıelik: músindeý arqyly estetıkalyq tárbıe berý; tabıǵatty aıalaýǵa, qustardy qorǵaýǵa tárbıeleý.
İİİ. Sabaq tıpi: jańa oqý materıalyn meńgertý.
IV. Sabaq ádisi: suraq - jaýap, túsindirý.
V. Sabaq kórnekiligi: Slaıdtar: qus beınesi sýretteriniń kóshirmesi, fotosýretter, ermeksazdan jasalǵan músin úlgileri.

VI. Sabaq barysy:
Uıymdastyrý sáti. Oqýshylardyń nazaryn sabaqqa aýdarý.

Úı tapsyrmasyn suraý.
İ top. Syıqyrly orman týraly ne bildińder?
İİ top. Syıqyrly orman nelerden quralady?
İİİ top. Sýretke qarap neni uqtyń?

Oı qozǵaý
Beıbitshilik qusy dep, aıtady ony barsha jurt. (kógershin)
Qaıtalap ánimdi, kóktemde án salam (kókek)
Sý betin syzyp, aqquman júr júzip. (aqqý)
Qos qanatyn ıip ap,
Jarǵa kelip qonady.
Qara kıim kıip ap,
Balshyqtan úı soǵady. (qarlyǵash)

Bir qus bar, úlpildegen júni jumsaq,
Tuıaǵy beıne bolat almas pyshaq.
Tumsyǵy ımek kórmeıdi kúndiz kózi,
Sharyqtap kókti kezip, túnde ushady. (úki)

Bıik shyńda turady,
Qalyqtaıdy tóbeńde.
Kóz tastaıdy qyraǵy,
Qonbaıdy ol tómenge (búrkit)

Barlyǵynyń jaýabyn taptyńyzdar. Endi osy jumbaqtardyń jaýabyn ne dep ataımyz.
- Qustar.
- Olaı bolsa jańa sabaǵymyz Qustardy músindeımiz.

Jańa sabaq
Qus sýretiniń kóshirmesi men fotosýretterine qarap, qustar jaıly, qustardyń paıdasy týraly áńgimelesý.

Jer betinde qansha qus bar? Óte kóp, tek bizdiń elimizdiń ózinde ǵana qustardyń myńdaǵan túrleri kezdesedi. Olar aýylda, qala, taýda, sý qoımalarynda – barlyq óńirde tirshilik etedi. Qustar adamǵa paıda ákeledi. Qustar bolmasa, zıankes jándikterdiń kesirinen egin shyqpaı qalady.

Slaıd – qus fotosýretterin kórsetý. Ótken sabaqtarda músin ónerimen tanysyp, músin jaıly túsinik aldyq. Músin degenimiz ne? Músinniń qandaı túrlerin bilesińder? Músin degenimiz – tas, aǵash, metal, saz balshyq jáne ermeksazdan somdalǵan beıneler.
Jumyr músin jáne bederli músin.
Músinniń barlyq jaǵynan kórinetin túrin jumyr músin dep ataımyz.
Jazyqtyq betinen jartylaı shyǵyńqy túrin bederli músin dep ataımyz. Jumyr músin Bederli músin Slaıd - shoý – qustar músinderin kórsetý.
Oqýshylar sender baýyrsaq ertegisin bilesińder me? Bizder búgingi sabaǵymyzdy ertegi jelisi boıynsha aldyq. Búgin bizder baýyrsaqty qutqarýymyz kerek.

Aıýdyń tapsyrmasy
Qustarmen tanysaıyq. Kórsetilgen qustardy úı qustaryn jáne dala qustaryn ajyratyp jazý kerek.

Sergitý sáti: Aq kógershin bıi
Qasqyrdyń tapsyrmasy
«Oıǵa jına» Dúnıetaný, ádebıettik oqý kitaptarynan qustarǵa baılanysty mátin úzindisi berilgen. Tapsyrma sonyń taqyrybyn tabýlaryńyz kerek.

İ top Qustar jyl saıyn uıa salady nemese eskilerin jóndeıdi. Bul úshin olarǵa neshe túrli materıaldar - butaqtar, saban, shóp, mamyq jáne qaýyrsyn qajet. ( Qustar qalaı ósip - ónedi )

İİ top Qustardyń arasynda jyrtqyshtary da bar. Olar qyran, búrkit, kezquıryq, japalaq, úki. Keıbir qustar uıasyn Shalǵynǵa salady. Bulbul uıasyn bıik buta basyna salady.(Qustardyń alýan túrliligi)

İİİ top Mıdaı jazyq, keń dala, jeli joq. Kún shýaq. Aspanda aq sabynnyń kóbigindeı aq bulttar. Anda sanda shyq-shyq etken torǵaıdyń daýysynan basqa jańǵyryqqan eshbir tyqyr úni estilmeıdi. (Qushtarlyq)

Qoıannyń tapsyrmasy
İ top shaǵyn esse jazý
İİ top Óleń shyǵarý
İİİ top Ertegi qurastyrý

Túlkiniń tapsyrmasy
Ermeksazdy paıdalanyp qustardy músindeý.
Oqýshylar sender barlyq tapsyrmaǵa jaýap berip baýyrsaqty qutqardyńyzdar. Al sizderge baýyrsaqtyń ata - anasy rıza bolyp sizderge baýyrsaq berip jiberipti. Sizderge sabaq aıaqtalǵasyn taratylady.

Sabaqty qorytý
Qandaı qustardy bilesińder?
Qustardyń qandaı paıdasy bar?
Músin túrlerin atańdar.

Baǵalaý
Jumystyń oryndalý reti: Qatyrma qaǵazǵa qus sýretin jaı qaryndashpen salyp alamyz. Túrli - tústi ermeksazdan shıratpalar esip daıyndaımyz. Shıratpalardy qus beınelengen syzyqtar boıymen japsyryp, onyń ishin óz qalaýymyzsha qustardyń tolyq beınesin beretin ártúrli órnektermen tolyqtyramyz. Ermeksazdan esilgen shıratpalarmen músindeý ádisin kórsetý. Ózindik jumys jasaýǵa qajetti qural - jabdyqtarymyzdy daıarlaıyq: túrli tústi ermeksaz, jumys taqtaıshasy, qalaqshalar, qatyrma qaǵaz, jaı qaryndash, jumys sońynda qol súrtýge arnalǵan shúberek.

Tapsyrma: Shıratylǵan ermaksazdan qus músinin músindeımiz. Jeke jumys kezinde oqýshylarǵa mynadaı keńes berý: ermeksazdy qaǵazǵa jaǵyp, negiz daıyndaý kezinde bet birkelki shyǵýy úshin ermeksazdy birdeı qalyńdyqta jaǵamyz, sebebi shıratpalar negizge túzý jáne ádemi ornalasýy kerek;
túsi bir - birine qarama - qarsy eki ermeksaz bóligin aralastyra otyryp, ermeksaz shıratpalaryn ár alýan etip jasaýǵa bolady;
qus denesin órnektermen tolyqtyrǵan kezde onyń pishinin búldirip almaýǵa tyrys.

Sabaqty qorytyndylaý.
Qorytyndy suraqtar:
Qandaı qustardy bilesińder?
Qustardyń qandaı paıdasy bar?
Músin túrlerin atańdar.
Oqýshy jumystaryna taldaý jasaý, úzdik jumystardy madaqtaý, oqýshylardy baǵalaý.

Prezentasıasyn júkteý