InfoHub Logo

Kaztalov aýdany, Janajol aýyly
Mýzyka jetekshisi Kapezova Gýldana Nýrbolatovna

«Qut bereke meıramy, Naýryz jasasyn!»

Maqsaty: Naýryz óte kóneden kele jatqan meıram. Halqymyz asa úlken daıyndyqpen qarsy alatyn Ulystyń uly kúniniń ereksheligin balalarǵa aıtyp túsindirý. Qazaqtyń salt - dástúrin, ulttyq dúnıetanymyn, ulttyq oıynyn, ulttyq kıimin nasıhattap kórsetý. Balalardy asyl qazynasyn baǵalap, ulttyq salt - dástúrlerin saqtaýǵa úıretý. Sondaı - aq Ulystyń uly kúnin zor maqtanyshpen toılaý.
Balalar kóńildi áýenmen zalǵa kirip otyrady.
Júrgizýshi: Naýryz meıram júrekterge nur sepken,
Mańdaıymnan súıip jatyr gúl kóktem.
Jaryǵymen, shýaǵymen Kún - Ana
Alyp keldiń jer betine gúl kóktem.
Qurmetti ata - analar, qonaqtar sizderdi kelip jetken 22 naýryz Ulystyń uly kúnimen quttyqtaımyz. Kóktem toıy sizderge jaqsylyǵymen shýaǵyn ákelsin. Ulys oń bolsyn, aq mol bolsyn! – deı kele quttyqtaý sóz kezegin bóbekjaı meńgerýshisi Balıa Temirhanqyzyna beremiz.

Nazerke: Naýryz toıy júrekterge nur sepken,
Mańdaıymnan súıip jatyr nur kóktem,
Qutty bolsyn ulys kúni jumyldyrǵan
Bárimizde yntymaq pen birlikke

Gúlnaz: Naýryz kóktem toıymyz,
Óser bizdiń boıymyz.
Kún uzarar jylynyp
Qosh keldiń bizge naýryz.

Janelá: Ózgerse de mynaý zaman qubylyp,
Ata saltyn óseıik biz uǵynyp
Qazaǵymnyń salt - dástúrin bileıik
Qazaq bolý netken ǵajap ulylyq.

Júrgizýshi: 22 naýryz kún men tún teńeledi. Jer shýaqqa keneledi. Balalar aıtyńdarshy, naýryz meıramynda kim bizde el aralap júredi.
Balalar: Qydyr ata
Júrgizýshi: Qydyr ata ne ákeledi?
Balalar: Baq dáýlet, bereke, mereke, molshylyq, baqyt, qýanysh..................
Júrgizýshi: Durys aıtasyńdar. Endeshe Qydyr atany qarsy alaıyq.
Áýenmen Qydyr ata kiredi.
Qydyr ata: Araıy bar dalanyń,
Armysyń ba jańa kún
Sálem halqym tiregim
Sendermen bir júregim
Oryndaldy oılaryń
Qutty bolsyn toılaryń!
Júrgizýshi: Qydyr ata qosh keldińiz, tórimizge shyǵyńyz.
Qydyr ata tórdegi dastarhanǵa jaıǵasady.
Júrgizýshi: Kóktem keldi, barlyǵy jasarady,
Kóktem toıyn jatyr el jasaǵaly.
Kóktem keldi, jer júzi qulpyrady.
Kúlimsirep alystan kún turady.
Qosh keldiń, nur kóktemim ardaqty.
Halqym saǵan bar úmitin arnapty
Jylda osylaı kele bersin jańartyp,
Gúlge bólep, nurǵa bólep aımaqty.
Áýen oınalyp Kóktem gúlderimen shyǵady.
Kóktem: Sálem ata - analar,
Aınalaıyn balalar.
Myna ásem zamanda
Shýaq shashyp keldim men
Baqyt tilep adamǵa.
Qýdym jerden sýyqty,
Qyrdan salqyn bý yqty,
Qardy eritip jylǵasy,
Naýryz keldi jyl basy.
Shýaq tókti jaryq kún,
Meıramynda halyqtyń,
Jerden búrshik gúl atty!
Qurmetti balalar men sizderge ózimmen birge kóktkm gúlderin alyp keldim.
Júrgizýshi: Arý kóktem qosh keldińiz. Endeshe bizdiń bóbekterimizge Kóktem
gúlderińizben bı bılep berýińizdi suraımyz.
Bı: «Gúlder»
Júrgizýshi: Qosh keldiń Kóktem elimizge, jerimizge, tórimizge. Senimen bizge naýryz toıy da kelip jetti, aýyldardy aralap kóktem shýaǵyn tarataıyq, qyr dalany gúlge toltyraıyq.
Arý kóktem bizdiń «Dostyq» aýylyna qosh keldińizder. Búgingi Naýryz toıymen birge aýylymyzda úlken toı «Shildehana» toıy bolyp jatyr. Qáne, birge tamashalaıyq.
«Dostyq» aýyly «Shildehana» rásimin kórsetedi.
Án: «Naýryz - bizdiń Jańa jyl»
Oıyn:

Júrgizýshi: Kóktemjan bizdiń «Birlik» aýylyna da at basyn buryńyzdar, bizdiń aýyldada ulan asyr toı bolyp jatyr. Jumageldi atamyzben Gúlbarshyn ájemizdiń nemeresin besikke salý toıyn toılap jatyr.
«Birlik» aýyly «Besikke salý» rásimin kórsetedi.
Bı: «Qazaq» bıi
Án: «Naýryz keldi»
Oıyn:

Júrgizýshi: Kórikti kóktem bizdiń osy jaqyn mańda «Yntymaq» aýyly bar. Bul
aýylda Jumagúl ájemizdiń tusaý keser toıy bolyp jatyr. Toıǵa qosh keldińiz.
«Yntymaq» aýyly «Tusaý keser» rásimin kórsetedi.
Oıyn:
Júrgizýshi: Eki ishektiń birin tart ta,
Birin sál - pál kem bura.
Naǵyz qazaq, qazaq emes,
Naǵyz qazaq dombyra – dep Qadyr aqyn aıtqandaı, qazaqty dombyrasyz elestetýge bolmaıdy. Endeshe «Ertegi» ortańǵy tobynyń «Dombyra sazy» ánin tamashalańyzdar.
Án: «Dombyra sazy»
Júrgizýshi: «Batamenen el kógerer,
Jańbyrmenen jer kógerer» demekshi Qydyr atamyzdan Ulystyń uly kúnine jınalǵan qonaqtarymyzǵa bata suraımyz.
Qydyr ata: Armysyń jamaǵat,
Ulys oń bolsyn,
Aq mol bolsyn,
Qaıda barsań jol bolsyn
Ulys bereke bersin
Bále - jala jerge ensin
Uly halqym teń bolsyn.
Qaıǵy - ýaıym joq bolsyn
Qýanyshyń kóp bolsyn!
Áýmın!!!
Júrgizýshi: Rahmet Qydyr baba aıtqanyńyz kelsin.
Kel, Naýryzym qulpyrtyp eldi myna,
Analardyń qona ǵoı jaýlyǵyna
Yrys ákel, qut ákel, baılyq ákel,
Tuǵyr bolǵan álemniń saýlyǵyna.
Qurmetti ata - analar búgingi Naýryz merekesine arnalǵan erteńgiligimizdi aıaqtaımyz. Keler Naýryzǵa tórt kóz túgel, ýaıym - qaıǵysyz toqshylyqpen jeteıik aǵaıyn.