InfoHub Logo

Sabaqtyń taqyryby: Sebep baǵynyńqy sabaqtas qurmalas sóılem
Sabaqtyń maqsaty:
1. Bilimdilik: oqýshylardyń sabaqtas sóılem týraly túsinikterin keńeıtý, sebep baǵynyńqy sabaqtas sóılemniń jasalý joldaryn jattyǵý jumystary men qosymsha tapsyrmalar arqyly bekitý.
2. Tárbıelik: oqýshylardy eldikke baýlý, eńbekke, yntymaqqa tárbıeleý.
3. Damytýshylyq: oqýshylardyń sabaqtas sóılemniń túrlerin ajyrata alý daǵdylaryn qalyptastyryp, sóılem múshelerine taldaý daǵdylaryn arttyrý
Sabaqtyń tıpi: aralas sabaq
Sabaqtyń túri: dástúrli sabaq
Sabaqtyń ádisi: suraq – jaýap, taldaý.
Sabaqtyń kórnekiligi: ınteraktıvti taqta, úlestirmeler, test suraqtary.

Sabaqtyń barysy:
İ Uıymdastyrý kezeńi.
Sálemdesý, túgendeý, suraqtar arqyly nazarlaryn sabaqqa aýdarý.
1. Qurmalas sóılem degenimiz ne?
2. Qurmalas sóılem neshege bólinedi?
3. Salalas qurmalas degenimiz ne?
4. Sabaqtas qurmalas degenimiz ne?

İİ Úı tapsyrmasyn suraý.
133 - jattyǵý. Berilgen sóılemderdiń basyńqy syńarlaryn ózderiń oılap taýyp, mezgil baǵynyńqyly sabaqtas jasańdar.

1. Tystaǵy jumys bitken kezde,...
2. Úsheýi úıge kirgen soń,...
3. Ol úıge qaıtyp kelisimen,...
4. Botagóz saýsaǵymen nusqaǵan dápterdiń betine Asqar kózin salsa,...

İİİ Bilimderin tekserý kezeńi.
Berilgen sóılemdi sıntaksıstik taldaý jasańdar.
/ Ol úıge qaıtyp kelisimen, kitaptan bas almady./
1. 1. Habarly sóılem.
1. 2. Qurmalas sóılem, sabaqtas, mezgil baǵynyńqy sabaqtas.
1. 3. ne istedi? – bas almady, kúrdeli, etistikti, jedel ótken shaq tulǵaly - baıandaýysh.
Neden bas almady? – kitaptan, dara, zat esimdi, shyǵys septik tulǵaly – janama tolyqtaýysh.
Ne istesimen? – qaıtyp kelisimen, kúrdeli, etistikti, kósemshe tulǵaly – baıandaýysh.
Kim úıge qaıtyp kelisimen? – ol - dara jikteý esimdikti – bastaýysh.
Ol qaıda qaıtyp kelisimen? – úıge - dara, zat esimdi, barys tulǵaly – janama tolyqtaýysh.
1. 4. Ol qaıtyp kelisimen - etistikti tirkes, baılanysý túri – qıysý, tásili – oryn tártibi.
Úıge qaıtyp kelisimen – etistikti, túri meńgerý, tásili – jalǵaýlyqty.

İÚ Maqsat qoıý kezeńi.
Sabaqtyń taqyrybyn taqtaǵa jazyp, maqsatyn túsindirý.

Ú Jańa sabaqty túsindirý.
Sebep baǵynyńqy sabaqtas
Baǵynyńqysy basyńqyda aıtylǵan oıdyń sebebin bildiretin sabaqtastyń túri.
M: Jumystyń eń aýyry osynda bolǵandyqtan, Ermek munda ádeıi tilenip keldi.
Suraýlary: Nelikten? Ne sebepti? Nege? Ne dep?
Sebep baǵynyńqynyń baıandaýyshtary mynadaı joldarmen jasalady.
Esimsheniń ótken shaq formasyna – dyqtan, /dyq+tan/ degen jurnaq pen jalǵaýdyń qosylýy arqyly jasalady.
Esimsheniń ótken shaq formasyna soń shylaýy tirkesýi arqyly jasalady.
Kósemsheniń – ı jurnaǵyna bitken bolymsyz túrinen jasalady.
Ashyq raıly etistikke dep kómekshi etistiginiń tirkesýi arqyly jasalady.
Sebep baǵynyńqy sabaqtas qurmalas sóılem júkteý