InfoHub Logo

Almaty qalasynyń polıseıleri «áleýmettik jelide tanysý» sqemasy boıynsha jasalǵan kezekti tonaý qylmysyn ashty. Bul týraly Polisia.kz saıtyna silteme jasap, infohub.kz habarlaıdy.

Qylmyskerlerdiń qurbany tanysý saıttarynyń birinde boıjetkenmen tanysqan er adam bolǵan. Qysqa ýaqyt hat almasqannan keıin olar jaldamaly páterde kezdesýge kelisken.

Alaıda, kezdesý kezinde páterge úsh er adam basyp kirgen. Olar ózderin qyzdyń «aǵalary» retinde tanystyryp, onyń kámeletke tolmaǵanyn málimdegen.

Osy syltaýdy paıdalanǵan alaıaqtar jábirlenýshiden aqsha bopsalaı bastaǵan, sondaı-aq onyń telefony men basqa da baǵaly zattaryn tartyp alǵan.

Polısıa qyzmetkerleri júrgizgen jedel-izdestirý sharalarynyń nátıjesinde qylmysqa qatysqandardyń barlyǵy anyqtalyp, ustaldy. Olar ýaqytsha ustaý ızolátoryna qamaldy.

«Ókinishke oraı, mundaı jaǵdaılar jıi kezdesedi. Biz azamattardy ınternette tanysqan kezde asa saq bolýǵa, kúmándi jerlerde kezdesýge kelispeýge jáne tek hat almasý arqyly biletin adamdarǵa senbeýge shaqyramyz», - dep atap ótti Almaty qalasy Almaly aýdandyq PB janyndaǵy polısıa bóliminiń bastyǵy Tımýr Imanbekov.