Foto: Orda.kz
Túrkistanda tutas bir aýyl bas kóterdi: 15 jasar oqýshyny zorlaǵan zeınetker jurttyń ashýyna tıdi
Túrkistan oblysy, Keles aýdanynda jantúrshigerlik oqıǵa oryn aldy. 15 jastaǵy oqýshy qyz kórshi turatyn 71 jastaǵy zeınetkerden bala bosanǵan. Qylmys ashylǵannan keıin ashýǵa býlyqqan aýyl turǵyndary kúdiktiniń otbasynan aýyldan ketýdi talap etip, dúrbeleń shyǵardy.
Orda.kz tilshisiniń habarlaýynsha, zorlyq qurbany bolǵan mektep oqýshysynyń jaǵdaıy uzaq ýaqyt boıy jasyryn bolyp kelgen. Ata-anasy qyzynyń júkti ekenin tek jetinshi aıynda bir-aq bilgen. Sábı dúnıege kelgennen keıin ǵana jasóspirim basynan ótken sumdyqty aıtyp bergen.
Osydan keıin otbasy dereý polısıaǵa aryzdanǵan. Kúdikti retinde 71 jastaǵy kórshisi ustalyp, ol tergeý barysynda óz kinásin tolyq moıyndaǵan.
Qylmystyń beti ashylǵannan keıin búkil aýyl dúrligip, turǵyndar kúdikti zeınetkerdiń úıine jınalǵan. Olar qatty shý shyǵaryp, kúdiktiniń otbasymen birge aýyldan kóship ketýin talap etken.
Aıta keteıik, buǵan uqsas oqıǵalar elimizdiń basqa óńirlerinde de oryn alǵan. Buǵan deıin Aqtóbede dárigerler júktiligin úsh ret baıqamaǵan 14 jastaǵy oqýshynyń oqıǵasy qoǵamda úlken talqyǵa túsken edi.
You Might Also Like
-
Qytaıda 12 adamnyń qazasymen aıaqtalǵan qaıǵyly jaǵdaı boldy. Kópir qurylysyndaǵy tros úzilip jumysshylar kóz jumdy, dep habarlaıdy Infohub.kz.
-
Úkimet kýlýarynda Eńbek mınıstri Svetlana Jaqypova elimizde jaǵdaıy bar kópbalaly otbasylarǵa memleketten qoldaý kórsetpeý máselesi qarastyrylyp jatqanyn aıtty, dep habarlaıdy Infohub.kz.
