InfoHub Logo

Bir ańshy minip júrgen jekelik atyn az kún jaılaýǵa jiberip alǵysy kelip, bastyqtan kólik surapty. Bergisi kelmegen bastyq mas bolǵansyp, tyńdamaı ketedi eken. Ekinshi joly da sóıtipti. Muny qutylýdyń jaqsy amaly dep bilgen ol endigi jerde ańshyny kórse boldy, mas bola qalady eken.

Arada kóp ótpeı bastyqtyń ákesi naýqastanyp, el ishindegi emsekter buǵynyń qany men aıýdyń tabany em bolatyndyǵyn aıtypty. Muny estigen ańshy:

— Aqsaqaldardyń kóńilin suraýǵa qolym tımeı júr edi, men de baraıyn, — dep bastyqpen ilese shyǵypty. Úıden uzaı bere mas bolyp, bastyqtyń úıine taıa bere beý dalaǵa shaba jónelipti.

— Ne boldy saǵan? — dese, mandytyp jaýap bermeı birdiń aıaǵyn, birdiń basyn sóılep mysyn qurtypty. Sóıtip, ábden silesin qatyryp óldim-taldym degende úıge ózi kep túsip, bir myzǵyp alyp túregelgen soń baryp úı ishindegilerdi jańa kórgendeı qaıta amandasyp, naýqastyń halin surap, dárilik zattaryn beripti. Sonda shalǵa:

— Qudaýanda, «synyqtan ózgeniń bári juǵady» degeni ras eken, úıden shyqqanda sap-saý edim, júre kele myna balańyzdyń shalyǵy maǵan juqqany, mastyqtan endi esimde jınap otyrmyn, — depti. Jeńilgen bastyq ańshyny mal soıyp qonaq qyp, bir atqa qaǵaz jazyp berip, attandyrypty.

 

---