InfoHub Logo

Bireý naýqastanyp qalǵan qurdasynyń kóńilin suraı barypty. Ony kórgen qurdasynyń kóńili bosap:

— Talaı jyldy birge ótkizdik, kóńilińdi qaldyrǵan jerim bolsa keshir, olaı-bulaı bop ketsem, bala-shaǵama bas-kóz bol, es-aqyldary shyǵyp, dosqa kúlki, dushpanǵa taba bolyp júrmesin, — dep kóńildegisin aıtypty. Naýqas jaǵdaıyn baıqap, tamyryn ustap otyrǵan qurdasy búgin tónip turǵan qaýip joq ekenin ańǵaryp:

— Talaı jylǵy baqyr asyn bólip ishken kári serigim-aı, alys saparǵa bet túzep, er-turmanyńdy saılap alǵan ekensiń ǵoı, qoı, toqta deýge bolmas, «dosyńdy toqtatpa, jolynan qalady» deýshi edi ǵoı, jolyńnan qaldyrmaıyn. Biraq senen tileıtin bir tilegim bar, jas kezińde shydamas qorqaq ediń, endi býynyńdy bekit, artyńda kárilerden kim qaldy dese, álgi pálenshe qý aıaq áli bar dep júrme. Meni suraı qalsa, áldeqashan ózderińiz alyp ketpep pe edińizder dep bettetpeı qoı, suramasa, úndeme, áıtpese, ózderi de umytyp qalǵan shyǵar, biz týǵaly qaı
zaman, — depti. Sonda muńaıyp jatqan shal da, jylap otyrǵan bala-shaǵa da kúlip jibergen eken.

 

---