InfoHub Logo

Bir malshynyń úıine úsh jolaýshy qonypty. Jolaýshylardyń bireýi «pysyq» atanǵysy kelip júretin jas jigit eken. Onyń kempir-shaldyń boıjetken qyzyna kózi túsip qalady. Kirip-shyǵyp júrip qyzben tanysyp, basynyń bos ekenin uǵysady da, maqsatyn bildiredi. Jigittiń darbazalyǵyn sezgen suńǵyla qyz ony esek dámeli qyp qoıady.

Qonaqtarǵa tabaq tartylyp, sorpa quıylǵan kezde qyz maıyn qalǵyp otyryp bir shara sorpany jigitke usynady. Muny ózinshe joryǵan jigit el jatyp kózi uıqyǵa ketti-aý degen kezde bozbalalyq istegisi kelip qyzǵa bara jatyp, jolǵa qurylǵan elegenge soǵylyp dańǵyr etkizipti de sheginip, tósegine jata qalypty. «İm, bálem, qaqpanǵa tústiń ǵoı» dep myrs etken qyz basyn julyp alyp:

— Shyq, eı, myna ıtke jatarda maıly sorpany quıyp-aq edim, qanaǵat qylmaǵan eken, — dep tálkek etipti.

Tańerteń erte qyz túıe saýýǵa shyqqanda, túndegi qorlyǵyna shydamaǵan jigit onymen qaıta bir sóılespekke ilese shyǵady. Qyz jigittiń sóıleýine oraı bermeı, qolyna túıe saýatyn meskeıdi berip, bir atandy turǵyzyp:

— Ar jaq emsheginen tezirek saýyp jiberińiz, ıisinip ketpesin, — deıdi. Tildesýdiń oraıy osy dep bilgen jigit júgire basyp, saýýǵa qolyn apara bergende, atan teýip qalyp meskeı-peskeıimen anadaı jerge ushyryp túsiredi. Úıdegiler japyryla syrtqa shyǵyp, jyǵylyp jatqan jigitti kórip:

— Ne boldy? — degende, qyz:

— Ana kisi ózi qara atandy saýamyn dep baryp... — depti.

---