InfoHub Logo

Taqyryby: Táýelsizdik jasasyn!
Maqsaty: Jas urpaq boıyna, eline, jerine degen patrıottyq sezimin qalyptastyrý. Balalardy Otan, rámizder, Elbasy, táýelsizdik týraly túsinikterin keńeıtý.
Qurmetti tárbıeshiler, kishkentaı búldirshinder! Táýelsizdiktiń 26 jyldyǵyna daıyndaǵan №8 «Qyzǵaldaq» balabaqshasynyń «Botaqan» tobynyń «Táýelsizdik jasasyn» atty merekelik is – sharasyn tamashalaýǵa shaqyramyz.
Tárbıeshi: Atty búgin azattyqtyń aq tańy,
26 jyl Táýelsizdik tańy atqaly.
Eli tekti, kıeli, qasıetti jerimniń,
Qutty bolsyn erkindigi, ata - baba armany,

Tárbıeshi: Memlekettik rámizder - elimizdiń egemendigi men táýelsizdiginiń belgisi. Rámizder – halqymyzdyń rýhanı, ulttyq salt - sanasyn, bolashaqqa úmitin, arman - tilegin jetkizetin qundy belgiler. Al bizdiń ortamyzda rámizder týraly bilgenin aıtyp beretin balalar bar ma?
Balalar: Ánuran, Tý, Eltańba.
Gúljaýhar: Ánuran saltanatty keshterde, jıyndarda, sportshylar jeńis tuǵyryna kóterilgende oryndalady. Ánurandy barlyq bala biledi.

Aıjuldyz: Qazaqstan Respýblıkasynyń memlekettik rámizderiniń biri – Qazaqstan týy. Týdyń avtory – belgili sýretshi Sháken Ońdasynuly Nıazbekov. Bizdiń týymyz kógildir tústi, tiktórtburyshty. Kógildir tús tynyshtyqty bildiredi.
Aıakóz: Memlekettik Eltańbanyń avtorlary – tanymal sýretshiler Jandarbek Málibekov pen Shotaman Ýálıhanov. Eltańbada shańyraq beınesi bar. Shańyraq pen ýyq kóptegen halyq birligin kórsetedi. «Qazaqstan» jazýy respýblıkamyzdyń atyn kórsetedi.
Tárbıeshi: Jaraısyńdar balalar! Memlekettik rámizder týraly óte jaqsy aıttyńdar. Memlekettik rámizderdi qasterlep qurmetteý bárimizdiń paryzymyz bolyp tabylady.

Beıbarys: Altyn dándi dalasy bar,
Aq kúmisteı qalasy bar.
Netken sulý, netken kórkem,
Osy – meniń týǵan ólkem.

Zere: 16 - jeltoqsan -
Táýelsizdik alǵan kún.
Merekege el tosqan,
Atammenen barǵanmyn.

Shahkárim: Merekege shyǵady,
Búkil halyq, bilip qoı.
Otandastar uǵady,
Táýelsizdik – uly toı.

Álı: Baqytty bop júrgenim –
Seniń arqań, Qazaqstan!
Elim – meniń tiregim,
Qushaǵynda gúl atam.

Jansaıa: Sarqylmaıtyn qýatym,
Tiregimsiń, Qazaqstan.
Máńgi soǵyp turatyn
Júregimsiń Qazaqstan.

Nazgúl: Otannyń qasıetti tilin súıem,
Otannyń qudiretti únin súıem...
Otan, Otan, bárinen bıik eken,
Men ony máńgilikke súıip ótem!

Ásemaı: Toltyrǵan gúlge dalany,
Jaınatqan aýyl, qalany.
Ardaqty atamekenim,
Otanym – Qazaqstanym.
Medına: Uly dostyq,
Nurly dostyq,
Kún dostyq.
Dostyq degen qasıetti uranǵa,
Keń dalanyń júregine ún qosty.
Bı: Qamajaı
Aıagóz: Ata - babam janyn qıyp qorǵaǵan,
Táńiri qoldap, baq - bereke ornaǵan.
Qazaqstan, azat elsiń sen búgin,
Aq tilegin bolashaqqa arnaǵan.
Nurıslam: Otan – meniń ata - anam,
Otan – dosym, baýyrym.
Otan – ólkem, astanam,
Otan – týǵan aýylym.
Oljas: Otan – asyl anamyz,
Ana sútin aqtaımyz.
Eseıgende el bolyp,
Eldi jaýdan saqtaımyz.
Hor: Otanym Qazaqstanym.
A. Zere: Eltańbasy elimniń,
Netken áıbat, ádemi!
Tunyǵyndaı kóńildiń
Ortada aspan ádemi.
Nurıslam: Kók aspandaı kókpeńbek,
Qazaqstan jalaýy.
Kók emes ol tekten – tek,
Eldiń ashyq qabaǵy.
Eldos: Táýelsizdik jolynda,
Talaı – talaı ter tamǵan.
Bıligim óz qolymda,
Erkindigim – Eltańbam!
Hor: Eltańbasy elimniń
Gúljaýhar: Qazaq deıtin meniń bar elim,
Jatyr alyp jarty dúnıe álemin.
Bul dalany anam jaspen sýarǵan,
Bul dalaǵa jylap kelip qýanǵan, - dep aqyn aǵamyz jyrlaǵandaı, keń baıtaq jerimizde Qazaq halqynyń basynan ne ótpedi deseńizshi.
Toǵjan: Sol kúnder ǵoı júrektiń ańsaǵany,
Soǵan shóldep, shólirkep tamsanady,
Ókinish pe, bilmeımin qýanysh pa,
Óz – ózinen júregim án salady.
Tárbıeshi: Otan ár adamnyń júregine jaqyn, jyly, qasıetti sóz. Otan degenimiz – adamnyń týyp ósken jeri, týǵan – týysqandarymen birge turatyn ata mekeni. Sondyqtan árbir adam úshin dúnıedegi qasıetti kıeli uǵym – Otan.
Otan týraly maqal - mátel jarysy.
Muhammedjan: Týǵan jer – altyn besik.
İnjý: Otan ottanda ystyq.
Nursultan: Óz elim – óleń tósegim.
Beıbarys: Týǵan jerdeı jer bolmas, Týǵan eldeı el bolmas.
Medına: Týǵan jerge týyń tik.

Ámirjan: Gúl jaınaǵan Astana -
Qazaqstan júregi.
Birin – biri syılaǵan
Týysqandar otany.

Tárbıeshi: Tarıhy bar dastanyndaı erliktiń,
Dástúri bar úlgisindeı eldiktiń.
Qazaqstan – altyn besik Otanym,
Uly ordasy tatýlyq pen teńdiktiń.
Aıjuldyz: Jas Astana, jas qalam,
Tarıhyń bar ashpaǵan.
Ordasy bol oıshyldyń,
Eı, bas qalam, Astanam.
İńkár: Ózińdiki eliń de,
Ózińdiki jeriń de.
Ózińdi – óziń etken baq,
Táýelsizdik tórinde.
Gúlsezim: Otan – jerim, Otan – sýym,
Otan qýat, nár beredi.
Otan – uran, Otan – týym,
Otan máńgi gúldenedi.
Áset: Ásem qalam – Astanam,
Álemdegi jas qalam.
Ár kún saıyn ózgerip,
Boı kóterdi bas qalam.
Eldos: Q - Qazaǵymyz aman bolsyn.
Ámir: A - Azamat bop men erteń, Otanǵa qyzmet etem.
Áset: Z - Zamanymyz tynysh bolsyn.
Álı: A - Aman bolaıyq:
Aıjuldyz: Q - Qyran qustaı bıik samǵaıyq.
Aıagóz: S - Saryarqa dalasynda beıbitshilik bolsyn.
A. Zere: T - Tabıǵatty aıalaıyq.
Nazgúl: A - Aspanymyz ashyq bolsyn.
Eldos: N - nanymyz kóp bolsyn.
Bı: «Jentelmender» bıi.
Hor: «Kók týdyń jelbiregeni»
Tárbıeshi: Qazaq elim, týdy jastyq dáýreniń,
Alǵandaısyń Juldyzdardyń jaryǵyn.
Táýelsizdik qutty bolsyn qymbattym,
Týǵan kúniń qutty bolsyn, alybym!
Táýelsizdigimizdiń tuǵyry bıik, halqymyzdyń eńsesi joǵary, egemendigimiz baıandy bolsyn dep tileıik aǵaıyn. Osymen búgingi daıyndaǵan shaǵyn tárbıe saǵatymyzdy aıaqtaımyz. Kelesi kezdeskenshe, saý - salamatta bolyńyzdar!

№8 «Qyzǵaldaq» balabaqshasynyń tárbıeshisi
Eleýsinova Sveta Qalıqyzy