depositphotos.com
Neırojelimen jasalǵan sýret qazaqstandyqty jaýapqa tartty
Shyǵys Qazaqstan oblysyndaǵy Semeı qalasynyń turǵyny jasandy ıntellekt arqyly jasalǵan jalǵan sýretti polısıaǵa jibergeni úshin jaýapqa tartyldy. Bul týraly Abaı oblystyq polısıa departamentiniń baspasóz qyzmeti habarlady.
17 naýryzda saǵat 20:00-de polısıaǵa Gastello kóshesinde óndiristik sehtyń sý astynda qalǵany týraly habarlama kelip túsken. Oqıǵa ornyna jedel qyzmetter shyqqanymen, aqparat rastalmady. Eshqandaı sý tasqyny bolmaǵan.
Tergeý barysynda polısıa qyzmetkerleri habarlamaǵa negiz bolǵan sýretterdiń jasandy ıntellekt kómegimen jasalǵanyn jáne shyndyqqa sáıkes kelmeıtinin anyqtady. Atalǵan 27 jastaǵy azamattyq tulǵa jalǵan aqparat taratqany úshin jaýapkershilikke tartyldy.
Polısıa departamenti jasandy ıntellekt arqyly jasalǵandaı, jalǵan materıaldardyń adamdardy jańylystyrýy múmkin ekenin eske saldy. Bul ázil bolsa da, ony taratqany úshin jaýapkershilik qarastyrylǵanyn atap ótti.
-
Tanymal ánshi Aıgúl Imanbaeva kishi qajylyq kezindegi basynan ótken jaıtty bóliskende, oqyrmandar onyń sózin ózin maqtaý dep qabyldap, synǵa aldy.
-
A resident of Semey, Kazakhstan, faced legal consequences after sharing a fabricated image created by artificial intelligence, causing a false emergency response.
