Photo: Engin Akyurt (https://www.pexels.com/@enginakyurt) / Pexels
Qytaı Qazaqstandy jańa Konstıtýsıa referendýmyn ótkizýmen quttyqtady
Qytaı Syrtqy ister mınıstrligi Qazaqstan Respýblıkasynyń jańa Konstıtýsıasy boıynsha ótkizilgen respýblıkalyq referendýmmen Qazaqstandy quttyqtady.
Bul týraly Infohub.kz aqparat agenttigi habarlaıdy.
Qytaıdyń Global Times basylymynyń habarlaýynsha, QHR Syrtqy ister mınıstrliginiń resmı ókili Lın Szán 16 naýryzda ótken brıfıńte osyndaı málimdeme jasady. Brıfıń barysynda Qytaı Ortalyq telearnasynyń jýrnalısi 15 naýryzda Qazaqstanda ótken jalpyulttyq referendýmǵa Qytaı tarapynyń baǵasyn surady.
Lın Szán Qazaqstannyń daýys berýdi sátti ótkizgenin atap ótip, Qytaı tarapynyń bul jańalyqqa qatysty quttyqtaýyn jetkizdi. Onyń aıtýynsha, Qytaı dos kórshi jáne jan-jaqty strategıalyq seriktes retinde Qazaqstannyń uzaq merzimdi turaqtylyǵy men qoǵamdyq órkendeýin kórip qýanyshty.
Sondaı-aq, ol Beıjińniń prezıdent Qasym-Jomart Toqaevtyń basshylyǵymen el memleket qurylysynda jańa mańyzdy jetistikterge jetetinine jáne «Ádiletti Qazaqstan» qurý maqsatynyń tabysty júzege asatynyna senimdi ekenin basa aıtty.
QHR SİM ókili Qytaıdyń ekijaqty qarym-qatynastardy damytýǵa úlken mán beretinin jáne Qazaqstanmen birlesip ózara tıimdi yntymaqtastyqty nyǵaıtyp, qazaqstan-qytaı seriktestigin jańa deńgeıge shyǵarýǵa daıyn ekenin qosty.
-
Qasym-Jomart Toqaev eldiń áleýmettik-ekonomıkalyq damýyna, zań men tártipti nyǵaıtýǵa qosqan eleýli úlesi úshin bir top azamatqa memlekettik nagradalar tabystady.
-
Elimizdegi salyq júıesindegi sońǵy sátsizdikter kásipkerlerdi alańdatýda. Memlekettik organdar máseleni sheshýge ýáde berdi.
