InfoHub Logo

Mańǵystaý oblysy, Jańaózen qalasy,
№21 orta mekteptiń mektep aldy daıarlyq tobynyń muǵalimi
Karakýlova Janar

Tolaǵaı (otbasylyq saıys)
Maqsaty: Oqýshylar men ata - analarǵa adam densaýlyǵynyń qymbattylyǵyn, ómir súrý úshin qajettiligin, baǵaly baılyq ekenin túsindirý. Oqýshylardy jáne ata - analardy sulý da sybatty, densaýlyǵy zor, kúshti bolý úshin deneni shynyqtyrý, olarǵa sportpen aınalysýyn qajet ekendiginiń mańyzyn túsindirý. Salaýattaný - adam janynyń da, tániniń de tazarýy, densaýlyǵynyń jaqsarýy, sondyqtan salaýatty ómir saltyn ustanýǵa tárbıeleý.
Kórnekilikter: naqyl sózder

Júrgizýshi: Qurmetti ustazdar, ata - analar jáne oqýshylar qaýymy! Búgingi «Densaýlyq - áleýmettik baılyqtyń negizi» degendeı búgingi «Tolaǵaı» otbasylar saıysyna qosh keldińizder!
«TOLAǴAI» otbasylar saıysy – elimizdegi otbasylardyń atsalysýymen ótetin tárbıelik mańyzy zor oıyn - saýyqty baǵdarlama. Osyndaı baǵdarlama búginde bizdiń mektebimizdiń MAD tobynyń oqýshylar qaýymy men súıikti de belsendi ata – analarynyń arasynda ótkizilgeli otyr. Ár otbasy qatysady. Sonyń biri juldyzdy otbasy. Ár otbasy jeke topty quraıdy.
Ár top jeńis máresine jetý úshin birneshe kezeńnen turatyn kedergilerge tótep berýi tıis.

Júrgizýshi: Ár tańdy baqytpenen atyramyz
Ónerdi oı kóginde baqylańyz,
Saıysqa qatysýǵa endi ortaǵa
Úlgili de ónegeli, jyldam da shapshań
Otbasylarymyzdy shaqyramyz.

1. Mekenovter otbasy MAD «Á»
2. Jetpisbaevtar otbasy MAD «B»

Júrgizýshi: Saıysty bastamas buryn, bizdiń jetistikterimizdi baǵalaıtyn ádilqazylar alqasymen tanystyrýǵa ruqsat etińizder!
-----------------------------

Júrgizýshi: Tálimdi tárbıe otbasynan bastaý alsa, deni saý urpaq –
ult bolashaǵy bolmaq. Ár otbasynda ata - ana – shańyraqtyń negizgi irgetasy bolyp eseptelinedi.
Sondyqtan, bala ómirinde salaýatty ómir saltyn qalyptastyrýda áke men ananyń róli orasan zor.
Sport – densaýlyq kepili desek, «TOLAǴAI» otbasylar saıysy otbasylyq tárbıe men salaýatty
ómir saltyn nasıhattaý maqsatynda uıymdastyrylyp otyr. Birinshiden, deni saý ulttyń qalyptasýyna atsalysady, ekinshiden baǵdarlamaǵa qatysqan ár otbasyǵa rýhanı jáne mádenı mereke syılaıdy.

Búgingi sporttyq saıys 5 kezeńnen turady.
1. Bilimdi kengýrý
2. Júırik at
3. Sheńber
4. Qańbaq shar
5. Arqan tartys
Saıysqa arnaıy 5 otbasy qatysady.

Júrgizýshi: Óner qýyp otbasy óter deımiz,
Bir basyna óneri jeter deımiz.
Saıysqa kelgen toptar kezektesip.
Tanystyryp ózderin keter deımiz – dep,
kezekti tanystyrýǵa beremiz.

1. «Birlik» toby Mekenovter otbasy, urany
«Bárimiz birimiz úshin,
birimiz bárimiz úshin!»
2. «Yntymaq» toby Jetpisbaevtar otbasy, urany
«Biz árqashan myqty,
Bárin jeńip shyqty»
3. «Densaýlyq» toby Amangeldıevter otbasy, urany
«Shynyqsań shymyr bolasyń,
Saýyǵyp aıdaı tolasyń.
Sportty serik ete bil,
Jaqsy azamat bolasyń.»
4. «Barys» toby Elemesovter otbasy, urany
«Biz ananyń qýanyshymyz.
Bala kezden shynyqqan.
Bolashaqta eseıip,
Biz jeńimpaz bolamyz»
5. «Qyran» toby Toǵaıbaevtar otbasy, urany
«Qatar ósken qurdasqa,
Jarys unap turmas pa
Qýyp jetý jaqsy ǵoı,
Ozyp shyǵý bir basqa.»
Saıysqa qatysýshylarymyzǵa sáttilik tileı otyryp, saıysymyzdy saltanatty túrde Q. R memlekettik ánuranymen bastaımyz. (ánurandy oryndaý)
İ týr: «Bilimdi kengýrý» saıysy.
(ata - analar men oqýshylar kezekpen dopty tizege qysyp jasalǵan kedergilerden sekirip baryp, matematıkalyq bir - bir esepti shyǵarý kerek) /bararda jáne qaıtarda osy is – áreket qaıtalanady/.
Muǵalim: Al endi «Bilimdi kengýrý» saıysynyń qorytyndy baǵalaryn bileıik. Sóz kezegi ádil - qazylar ózderińizde.
(Berilgen baǵalar tyńdalynady)
Ýaqyt, ýaqyt, kýásiń sen bárine,
Nur tógedi sıqyrly kitap bizderge.
Densaýlyqtyń álippesi árqashan,
Jyr shashady qýana myna eline – dep kezekti ánshi qyzymyzǵa beremiz.