InfoHub Logo

Tórle, tórle, Jańa jyl!
Mýzyka oınap turady.
Zaldyń ortasynda sándi shyrsha.

Júrgizýshi:
Dalamyzǵa, qalamyzǵa,
Jańa jyl kirip keledi.
Qartyńyzǵa, balańyzǵa
Jalyndy sálem beredi.
Tyńdańyzdar, tyńdańyzdar,
Tańyrqanypt urmańyzdar.
Sándi shyrsha shaqyrady.
Shyrsha jyryn jyrlańyzdar.
Kelińizder, kelińizder,
Bıde bılep berińizder.
Qyzyǵy mol jańa jyldyń
Tamashasyn kórińizder. Armysyzdar, aıaýly ustazdar, ata - analar! Sálemetsizder me, balalar. Sender búgin, sándi kıinip, ádemi bolyp ketipsińder. Myna jerde orman ańdary, súıikti ertegilerimizdiń keıipkerleri de jetipti. Al, búgin balalar, qandaı mereke?
Balalar: Jańa jyl!

Júrgizýshi: Jańajyldyq erteńgiligimizdi ashýdaǵy quttyqtaý sózin balabaqsha meńgerýshisi Sáýle Satybaldyqyzyna beriledi.
Júrgizýshi: Balalar búgin biz Jańa jyldy qarsy alýǵa jınaldyq. Kelińder, sán qurap turyp, qol ustasyp júrip án salaıyq.
Án: «Appaq, appaq japalaqtap»

Júrgizýshi: Balalar, ortamyzdaǵy ásem ne?
Balalar: Shyrsha!
Júrgizýshi: Shyrshamyz qandaı ádemi! Oıynshyqtary netken kóp! Al, kim bizge shyrshaǵa arnalǵan taqpaqtaryn aıtyp beredi eken?
Temirlan:
Jasyl shyrsha ormannan,
Bizge arnaıy kelipti.
Oıynshyǵyn balalar,
Shyrshaǵa ásem ilipti.
Sezim:
Ásem shyrsha sándengen,
Óz ańdaryn kútedi.
Jańa jylmen birgemiz,
Ormanǵa kep jetedi.
Nazym:
Tamasha, tamasha,
Shyrshamyz tur jarasa.
Basynda ásem juldyzy,
Kóz toımaıdy qarasa.
Júrgizýshi: Balalar bizdiń aramyzǵa ótken jyl ıesi - meshin kelip tur eken.
Alıhan:
Jyl ıesi – meshinmin
Qalmaıyn dep keshigip
Ala tańnan oıandym
Keler jylda kóńiliń
Byltyrǵydaı aq bolsyn
Mándi bolyp ómirdiń
Barlyǵyna baq qonsyn

Ámına:
Rahmet saǵan ótken jyl
Kóp qýanysh tókken jyl
Beste edik, bir jylǵa
Bizdi eseıtip ketken jyl

Júrgizýshi: Bizge kóp qýanysh syılaǵan meshindi qurmetpen shyǵaryp salaıyq.
Myna daýysty estidińder me? Kim dep oılaısyńdar, balalar?
Aıaz Ata
Senderdiń oıynshyqtaryńdy, syılyqtaryńdy alyp kelem dep sharshap uıyqtap qalǵan bolar. Aıaz Atany oıataıyq.(shapalaqtaıdy)
Sálemetsinder me, qonaqtar! Qutty bolsyn Jańa jyl!

Aıaz Ata:
Qutty bolsyn, balalar
Kelgen Jańa jyldaryń
Alańdamaı ósińder
Erkelep qyz, uldarym
ótken jyly kelip em
Bárińdi de kórip em
Jyl ótkizip kelem dep
Ýádemdi berip em
Oılaryń men boılaryń da
Birdeı ósip qaldyńdar ma?
Al, men kimmin aıtyńdarshy
Meni tanı aldyńdar ma? Balalar: Aıaz ata!(Osy kezde Jalmaýyz Kempir keledi)
- Aha Aıaz Atany kórip máz bolyp tursyńdar ma? Al Aıaz Atalaryńnan senderge arnalǵan syılyǵy bar ma suradyńdar ma?
- Áı zulym kempir búgingi keshtiń shyrqyn buzba. Taǵy ne búldirgiń kelip tur.
- Maǵan nemere qyzyń kerek. Bermeseń myna balalarǵa arnalǵan syılyqtaryńdy bermeımin.
Sen meıirimdilikti úırenseńshi. Mine saǵan syılyq - dep taıaqpen túrtip qalady.(Jalmaýyz Kempir meıirimdi bolyp shyǵa keledi.
- Men kóp qatelik jiberippin. Meni keshirińdershi balalar, men sendermen dos bolaıynshy.
(Qoıan keledi.) Aıaz Ata meniń kójekterimdi qasqyr urlap ketti tabýǵa kómektesińizshi. Balalar kómektesemiz be?

Án: «Shyrsha jyry»
Balalar aqqalanyń sábizin kim urlady?
Qasqyr keledi.(balalardy qýady)
Qasqyr: Meni eshkim qonaqqa shaqyrmaıdy. Menimen eshkim dos bolǵysy kelmeıdi. Men barlyǵyna ashýlandym. Menen barlyǵy qorqady. Men meıirimdi bolǵym keledi. Ańqaýlyǵym da bar, ana qý túlkiden aldanyp qaldym. Aqqalanyń sábizin aq qoıandarǵa berý úshin aldym. Aq qoıandardy men aldym.
Aıaz Ata: Balalar bireýden zat alǵanda qandaı sıqyrly sóz aıtamyz «Ótinemin» Alǵys retinde «Rahmet». Qasqyr olaı isteýge bolmaıdy. Bizdiń balalarymyzdyń aıtqan sózderin uǵyp al. Endi qaıtalama. Ekeýimiz oıyn oınaıyq. Eger sen utylsań maǵan qoıandardy qaıtarasyń.
Qasqyr: Jaraıdy.
Oıyn: «Balyq aýlaý»Qasqyr utylyp kójekterin qaıtaryp beredi.
Jaraısyńdar balalar!
- Aıaz ata Aqshaqar sizder bizderdiń balalarymyzdyń syılyqtaryn qashan beresizder?
Aıaz ata: Oı - býı, umytshaq basym aı, árıne qazir, qazir....
(barlyǵyńa syılyq úlestiriledi)

Aıaz - Ata: Jaraısyńdar balalarym! Meni búgin bip qýantyp, alys jerden sharshap kelgende kóńilimdi kóterdińder. Barlyqtaryń da aqyldy, bilimde de ónerli ekensińder.
Kıgen kıimderin qandaı ádemi! Solaı emes pe qyzym? Bizdiń syılyǵymyzǵa rıza bolyńdar. Al endi biz jolǵa shyǵaıyq. Basqa da balalardyń ónerin tamashalaıyq. Al, balalarym, sender óse berińder, órkendeı berińder. Aspandaryń ashyq bolsyn! Qosh bolyńdar!(qoldaryn bulǵap shyǵyp ketedi.)
Balalar: Saý bolyńyzdar! Raqmet sizderge!

Bári.
Biz tileımiz jańa jyldyq shattyqty
Biz tileımiz jańa jyldyq baqytty.

Júrgizýshi: Qurmetti qonaqtar, balalar! Jańa jylǵa arnalǵan merekemiz aıaqtalyp qaldy. Osyndaı keremet ótýge at salysyp júrgen ata - analar, áriptesterim sizderge de myń alǵys! Kórip tamashalaǵandaryńa rahmet. Jańa jyl qutty bolsyn, otbastaryńyzǵa tek baqyt pen qýanysh ákelsin!!!

Atyraý oblysy,
Isataı aýdany, Isataı aýyly
Begımbetova Asel Bolatovna