x.com/ZelenskyyUa
Zelenskıı: Ýkraına emes, Irandaǵy soǵystyń aıaqtalýyn kúte almaıdy
Ýkraına prezıdenti Vladımır Zelenskıı Taıaý Shyǵystaǵy jaǵdaıdyń álemdik qaýymdastyqtyń nazaryn Ýkraınadan alshaqtatqanyn moıyndady. Bul týraly memleket basshysy CNN telearnasyna bergen suhbatynda málimdedi.
Onyń pikirinshe, Ýkraınadaǵy janjaldy toqtatý jónindegi kúsh-jiger Irandaǵy qaqtyǵys aıaqtalǵannan keıin ǵana jandanady dep sanaý – «úlken táýekel». AQSH-pen tehnıkalyq kelissózder jalǵasyp jatqanymen, Zelenskıı Iran máselesi sheshilmeıinshe kezdesý múmkin emes dep sanaıdy.
Másele mynada, AQSH-tyń arnaýly ókili Stıv Ýıtkoff pen prezıdenttiń kúıeý balasy Djared Kýshner bastaǵan amerıkandyq kelissózshiler toby Iranmen de, Ýkraınamen de kelissózder júrgizedi.
Prezıdent AQSH-tyń Taıaý Shyǵystaǵy jaǵdaıǵa nazar aýdaryp otyrǵanyn túsinetinin, alaıda Ýkraınany umytpaýdyń mańyzdy ekenin atap ótti, óıtkeni onda áskerı is-qımyldar jalǵasýda.
«Ýkraına týraly keıinirek sóılesemiz deýge bolmaıdy. Ýkraına qazirdiń ózinde sonshalyqty úlken tragedıany bastan keshirýde, sondyqtan biz bul máselemen qatar júrip aınalysýdyń jolyn tabýymyz kerek», - dedi ol.
Zelenskıı sondaı-aq Irandaǵy qaqtyǵysqa baılanysty Ýkraınaǵa keıbir mańyzdy qarý-jaraqtardyń, ásirese zymyranǵa qarsy qorǵanys júıeleriniń jetkizilimi buzylǵanyn habarlady. AQSH-taǵy óndiristik qýattyń shekteýli bolýyna baılanysty Kıev olardy jetkiliksiz mólsherde alýda.
-
Vstrecha prezıdentov Rossıı ı Ýkraıny vozmojna tolko prı nalıchıı konkretnyh dogovorennosteı, zaıavıl Dmıtrıı Peskov.
-
Brent markaly munaıdyń baǵasy barreline 100 dollardan asty. Bul jahandyq naryqtaǵy belgisizdik pen shıelenispen baılanysty.
