Photo: Engin Akyurt (https://www.pexels.com/@enginakyurt) / Pexels
Túrkistandaǵy qarýly shabýyl: Atastyrylǵan qyzǵa talasqandar Ózbekstan shekarasynda ustaldy
Túrkistan oblysynda tún ishinde 18 jastaǵy jigitti ákesiniń kózinshe atyp ketken oqıǵa boldy. Baqytymyzǵa oraı, pnevmatıkalyq tapanshadan jaraqat alǵan Saıram aýdanynyń turǵyny aman qaldy.
Bul derekterdi QazaqToday.info saıty jarıalady.
Oqıǵa keshe, tún ortasy aýa bolǵan. Jábirlenýshiniń ákesi Bahramjan Shýkýrovtyń aıtýynsha, 18 jastaǵy uly Salahaddındi sol aýyldyń jastary kezdesýge shaqyrǵan. Muny estigen ákesi ulymen birge barǵan. Alaıda, olardy beıtanys adamdar toby qorshap, qysym kórsetken.
Kúdiktiler Ózbekstan shekarasynda ustaldy
«10-15 shaqty adam jınalyp tur eken. Bir aýyz sózsiz, meni qorshap aldy. Keıin mashınadan bir zat aldy. Dýbınka shyǵar dep oılap turǵanymda, ol tapansha bolyp shyqty. Maǵan qaraı atty, biraq men eńkeıip úlgerdim. Ekinshi ret atqanda, ulymnyń ishine tıdi. Olar qashyp bara jatqan jerinen Ózbekstan shekarasynda ustaldy. Tańǵy saǵat 05:30-da arnaıy jasaq olardy ustap ákeldi. Al qylmyskerlerdiń ata-anasy balasynyń jaǵdaıyn suraýǵa da kelmedi», - deıdi oqıǵa kýási, jábirlenýshiniń ákesi.
Jaraqattanǵan jigittiń jaǵdaıy týraly Túrkistan oblysynyń densaýlyq saqtaý basqarmasy habarlady. Oq dene qýysyna ótpegeni anyqtalǵan. Tıisti medısınalyq kómek kórsetilgennen keıin, naýqas ambýlatorıalyq baqylaýǵa alynyp, úıine jiberildi.
Jábirlenýshi taraptyń aıtýynsha, bul janjal Salahaddınniń atastyrylǵan qalyńdyǵyna baılanysty týyndaǵan. Olar kúdiktiler jaýapqa tartylmaı qalýy múmkin dep alańdaıdy, sebebi buǵan deıin de adam atyp, jaýapkershilikke tartylmaǵandar týraly estigenderin aıtady.
-
V Ýlytaýskoı oblastı zaderjan molodoı chelovek, kotoryı pát let terrorızıroval semú v ınternete, ıspolzýıa II dlá sozdanıa kompromata.
-
Two individuals involved in a shooting incident in Turkistan region, reportedly over a dispute concerning a betrothed woman, were detained near the Uzbek border.
