InfoHub Logo

Алматыда Денис Тен атындағы көше ашылуы мүмкін,- деп хабарлайды Инфохаб тілшісі.

Алматыда 2018 жылы қаза тапқан белгілі мәнерлеп сырғанаушы Денис Теннің есімі көшелердің біріне берілуі мүмкін. Бұл туралы қала әкімдігі мәлімдеді.

Ұсыныс Алматы қаласы Бостандық ауданындағы көшелердің біріне ат беру туралы мәслихат қарауына жіберілді. Әзірге нақты қай көше екені белгісіз.

Еске салайық, Денис Тен 2018 жылдың 19 шілдесінде Алматыда көлік ұрыларының қолынан қаза тапқан болатын. Қаскөйлер көлігінің айнасын ұрламақ болып, спортшыны пышақтап кеткен. Денис көп қан жоғалтып, дәрігерлер өмірін сақтап қала алмады.

Марқұмның есімі бұған дейін түрлі спорттық нысандар мен жарыстарға берілген. Енді оның есімі қаланың инфрақұрылымында да сақталмақ.