InfoHub Logo

Алматыда ауаның ластануы қауіпті деңгейге жетті: 2025 жылдың қорытындысы бойынша әрбір қала тұрғыны 518 темекі шеккенмен бірдей зиянды ауамен тыныстаған.

Бұл туралы Infohub.kz ақпарат агенттігі хабарлайды.

Ауаның ластануының себептері

Жаңа зерттеуге сәйкес, қаладағы PM2.5 ұсақ бөлшектерінің орташа жылдық концентрациясы 31,2 мкг/м³-ге жеткен. Бұл көрсеткіш Дүниежүзілік денсаулық сақтау ұйымы бекіткен нормадан алты есе асып түседі.

Сарапшылар мұны қолайсыз метеорологиялық жағдайлармен байланыстырып отыр. Соның салдарынан 2024 жылмен салыстырғанда ауа сапасы бірден 30%-ға нашарлаған.

Қауіпті күндер мен аудандар

Зерттеу нәтижесі көрсеткендей, алматылықтар жылдың 60%-дан астам уақытында халықаралық қауіпсіздік стандарттарына сай келмейтін ауамен тыныстауға мәжбүр болған. Қалада ауасы таза болған күндер саны небәрі 148 күн.

2025 жылдың ең лас күні ретінде 7 желтоқсан тіркелсе, ауасы ең нашар аудан Түрксіб ауданы болып танылды.

Жаз айларындағы жағдай

Мамандардың айтуынша, әдетте ауасы таза саналатын жаз айларында да ластану деңгейі рұқсат етілген шектен асып кеткені анықталды.