InfoHub Logo

Қазақстанның жолдарында орташа жылдамдықты бақылау жүйесі кеңейтіледі. Жақын арада тағы 16 бағытта жылдамдықты асырған жүргізушілерге айыппұл салынатын болады. Бұл туралы «ҚазАвтоЖол» компаниясының басқарма төрағасы Дархан Иманашев мәлімдеді.

Бұл шаралар жол-көлік оқиғаларының санын азайтуға және жол қауіпсіздігін арттыруға бағытталған. Өткен жылдың соңынан бастап еліміздің республикалық маңызы бар тас жолдарында орташа жылдамдықты бақылау жүйесі енгізіле бастаған болатын.

Қазіргі уақытта 8 ақылы жол учаскесінде, жалпы ұзындығы 1,8 мың шақырымды құрайтын аумақта жылдамдықты анықтайтын камералар жұмыс істеп тұр. Осы шаралардың нәтижесінде республикалық жолдардағы жол-көлік оқиғалары 20 пайызға азайған.

«2026 жылдың соңына дейін тағы 16 ақылы жол учаскесінде осындай жүйелерді енгізу жоспарлануда», - деді Дархан Иманашев.

Орташа жылдамдық дегеніміз не?

Орташа жылдамдық – бұл белгілі бір жол учаскесіндегі көліктің қозғалыс уақыты мен жүріп өткен арақашықтығына негізделген жылдамдық. Екі камераның арасындағы қашықтықты көліктің сол аралықты жүріп өту уақытына бөлгенде орташа жылдамдық шығады. Яғни, жүргізуші камераның алдында тежегішті басып, кейін қайта жылдамдықты арттырса да, жүйе жалпы учаскедегі орташа жылдамдықты есептейді.

Бұл жүйелерді енгізу арқылы жол бойындағы жол-көлік оқиғаларының саны 20 пайызға азайған.

Орташа жылдамдықты асырғаны үшін қандай айыппұл қарастырылған?

Орташа жылдамдықты асырғаны үшін жаңа айыппұл түрі енгізілмейді. Жауапкершілік Әкімшілік құқық бұзушылық туралы кодекстің 592-бабына сәйкес қарастырылған. 2026 жылға арналған айыппұлдар мынадай болады:

Қазіргі уақытта орташа жылдамдықты бақылау мынадай 8 ақылы жол учаскесінде қолданылады:

«ҚазАвтоЖол» деректері бойынша, орташа жылдамдықты ең көп бұзғандар Шымкент – Қызылорда тас жолында тіркелген – 54 863 жағдай. Одан кейін Астана – Щучинск (29 330 жағдай) және Астана – Павлодар (18 188 жағдай) жолдары тұр.

Бұл туралы Infohub.kz ақпарат агенттігі хабарлайды.