InfoHub Logo

1 قازان – قارتتار كۇنىنە ارنالعان سەناريي
«قارتتارىن قادىرلەگەن ەل ارداقتى»
جۇرگىزۋشى: مەرەكەلەرىڭىز قۇتتى بولسىن اتا - اپا!
كوكىرەكتەن جىر توگىلمەي جاتا ما!
زەينەتىنە جەتتىڭىزدەر ءومىردىڭ،
كەنەلىپ ءبىر ءىلتيپاتتى باتاعا.

ءقادىرلى اتا - اجەلەر بۇگىنگى كۇنى ءبىز سىزدەردى مەرەكەلەرىڭىزبەن شىن جۇرەكتەن قۇتتىقتايمىز. سىزدەرگە زور دەنساۋلىق، ۇزاق عۇمىر تىلەيمىز.
سىزدەر جاس ۇرپاققا ءارقاشان توزىمدىلىكتىڭ، دانالىقتىڭ ۇلگىسى بولىپ كەلەسىزدەر. بۇگىنگى قارتتار كۇنىنە وراي مەكتەبىمىزدە ۇيىمداستىرىلىپ وتىرعان «قارتتارىن قادىرلەگەن ەل ارداقتى» اتتى مەرەكەلىك كەزدەسۋ كەشىنە قوش كەلدىڭىزدەر.
ەندەشە بۇگىنگى سالتاناتتى مەرەكەلەرىڭىزبەن قۇتتىقتاۋ ءۇشىن ءسوز مەكتەبىمىزدىڭ ديرەكتورى ۋماربەكوۆا گۇلسارا جارىلقاسىنقىزىنا بەرىلەدى.

ءجۇر: اسىل اجەم، ماقتانىشىم مەنىڭ دە
قوناق بولىپ وتىر مىنە تورىمدە.
وزىڭە ارناپ بىلاي ءتاتتى ۇنىممەن
ءان سالاتىن كەزىم كەلدى مەنىڭ دە.
9 «ا» سىنىپ وقۋشىسى جانقۋات ايزاتتىڭ ورىنداۋىندا «اق اجەم» ءانىن قابىل الىڭىز.

ءجۇر: اتا كورگەن وق جانار
انا كورگەن تون پىشەر،- دەمەكشى ورتاعا «بارباريكي» بيىمەن مەكتەبىمىزدىڭ «جورعا» توبىن شاقىرامىز.
راحمەت سەندەرگە، وقۋشىلار!

ءجۇر: ال ەندى ورتاعا ءبىزدىڭ مەكتەبىمىزدىڭ «جاس قىران» ۇيىمىن ورتاعا شاقىرامىز.
كۇن نوسەرىن توگەيىك
جىردان مونشاق ورەيىك
ۋا جاماعات ال ەندى
انگە كەزەك بەرەيىك
«دوستارىم» انىمەن مامىت ءاديدى ورتاعا شاقىرايىق.
تاماشا! راحمەت ساعان اديجان!

ءجۇر: بالامنىڭ تابانىنا كىرگەن شوگىر، مەنىڭ ماڭدايىما كىرسەيشى دەيتىن اجەلەر مەن اتالاردان ۇلگى ونەگە كورىپ كەلە جاتقان كىشكەنتاي تەنتەكتەرىمىزدى ورتاعا شاقىرايىق.
4 «ا» سىنىپ وقۋشىلارىنىڭ ورىنداۋىندا بي: «قازاق ءبيىن» قابىل الىڭىزدار.

ءجۇر: بالالار سەندەردىڭ اتالارىڭ قانداي؟
تاقپاقتار:
رابيا:
مەنىڭ اجەم، اق اجەم،
ۇل مەن قىزدىڭ باعى اجەم.
ەرتەگى ايتىپ بەر دەسەم،
ايتىپ بەرەدى تاعى اجەم.
باتىرحان:
مەنىڭ اجەم، گۇل اجەم،
التىن اجەم، نۇر اجەم.
انام ءۇشىن، مەن ءۇشىن،
ناعىز اجەم، ءتىل اجەم.
گۇلزات:
مەنىڭ اجەم، جىر اجەم،
شۋاعى مول نۇر اجەم.
اق تاياققا سۇيەنىپ،
امان - ەسەن ءجۇر اجەم.
باحتيار:
بەسىگىمە بولەپ الىپ،
سەن تەربەتسەڭ قالعيمىن.
جۇرەگىمە ءسىڭىپ جاتىر،
سەنىڭ ايتقان ءالديىڭ.

ءجۇر: جۇرەكتەن كىرىپ بويدى الار
اسەم ءان مەن ءتاتتى كۇي
كوڭىلگە ءتۇرلى وي سالار
ءاندى سۇيسەڭ مەنشە ءسۇي. دەپ ورتاعا «اكەشىم، اناشىم» انىمەن نۇرايدى شاقىرامىز.

ءجۇر: قىسىلىپ ەش ساسپاڭدار
كانەكي بي باستاڭدار
اتا - اجەلەردىڭ كوڭىلىن.
ءبىر كوتەرىپ تاستاڭدار.
وقۋشىلارىمىزدى قازاقتىڭ «قارا جورعا» بيىمەن ورتاعا شاقىرامىز.

ءجۇر: گۇل - گۇل جايناپ ءبارىمىز
كىردى ءبىزدىڭ ءسانىمىز
قارتتارىمىزدى تويىمەن
قۇتتىقتايمىز ءبارىمىز.
بارلىعىمىز وقۋشىلارىمىزدى «باقىتتى بالامىز» انىمەن قارسى الايىق.
جۇرگىزۋشى:
مەرەكەلىك شارانى اياقتاي وتىرا «باتامەنەن ەل كوگەرەر، جاڭبىرمەنەن جەر كوگەرەر» دەمەكشى اتا - اجەلەر باتا، ىزگى نيەت - تىلەكتەرىڭىز بولسا، ءسوز كەزەگىن وزدەرىڭىزگە بەرەمىز.