اتا-اناعا ارنالعان جاڭا جىلدىق قۇتتىقتاۋلار، تىلەكتەر
تامىرىن تەرەڭگە جايعان بايتەرەكتەي بارىمىزگە سايا بولا بىلگەن اتا-انامىزدى جاڭا جىلمەن قۇتتىقتاي وتىرىپ، ولارعا زور دەنساۋلىق، باقىتتى عۇمىر تىلەيمىز. ءومىردىڭ شاپاعاتى مەن شۋاعىنا كەنەلىپ، ارامىزدا امان-ساۋ جۇرە بەرىڭىزدەر!
*** *** *** ***
قۇرمەتتى اكەم مەن اناشىم! كەلىپ جەتكەن 2020 جىل سىزدەردى قۋانتۋدان جالىقپاسىن. ماۋەلى بايتەرەكتەي كوز الدىمىزدا جايقالىپ جۇرە بەرىڭىزدەر. انا، ءسىزدىڭ ايالى الاقانىڭىزعا، اكە، ءسىزدىڭ جۇرەگىڭىزدىڭ شەكسىز مەيىرىمىنە تەڭ كەلەر ەشتەڭە جوق. سىزدەردىڭ اماندىقتارىڭىزدى تىلەپ، وسى جاڭا جىلدى بىرگە قارسى الۋ ساتىنە جەتكىزگەن اللاھقا رازىلىق بىلدىرەمىن! تالاي جىلدى بىرگە قارسى الۋ باقىتى بۇيىرسىن دەيمىن! جاڭا جىل قۇتتى جىل بولسىن!
*** *** *** ***
اكەشىم! ءومىردىڭ سوقپاعىنا قاراماستان ءبىزدى ورگە تارتىپ كەلە جاتقان، سۋىققا ءبىر توڭدىرماي ماپەلەگەن، بار ىستىق ماحابباتىن بىزگە توككەن ءسىز، ءبىرىنشى قۇتتىقتاۋعا لايىقسىز. جاڭا جىل تەك جاقسىلىقتارىمەن قۋانتسىن! دەنىڭىز ساۋ، جارقىن ءجۇزىڭىزدى مۇڭ شالماي، بالالارىڭىزدىڭ قۋانىشىنا مارقايىپ وتىرا بەرىڭىز!
*** *** *** ***
اناشىم! جۇرەگىمدى جارىپ شىققان بار ىزگى تىلەكتەرىم ومىردەگى ەڭ قىمباتتى دا ارداقتى جان — انا، وزىڭە ارنالادى. ءبىزدى ومىرگە اكەلىپ، اق ءسۇت بەرىپ، ايالاپ ءوسىرىپ، قاناتتىعا قاقتىرماي، تۇمسىقتىعا شوقتىرماي، وسى كۇنگە جەتكىزگەنىڭ ءۇشىن الدىڭدا ماڭگى قارىزدارمىز. ءار جاڭا جىل كەشى تەك وزىڭمەن عانا كوڭىلدى. اناشىم، جۇزىڭىزدەن شۋاق كەتپەي، ءبىزدىڭ ورتامىزدا كۇلىپ-ويناپ، شاتتىققا كەنەلىپ، باقىتقا بولەنىپ جۇرە بەرىڭىز. جاڭا جىل بار تىلەكتەرىڭىزدى ورىنداسىن!
*** *** *** ***
اكەم، انام! اياۋلى اسىلدارىم! سۇيەنسەم، تىرەگىم، قۇلاسام، سۇيەۋىم سەندەرسىڭدەر. سىزدەردى جاڭا جىلدارىڭىزبەن قۇتتىقتايمىن. داستارحانىمىز ءاردايىم وسىنداي مول، شاڭىراعىمىز بەرەكەلى بولسىن! سىزدەردىڭ جانىمىزدا بولعاندارىڭىز ءبىز ءۇشىن ۇلكەن باقىت! ۇزاعىنان بولعاي!
You Might Also Like
-
وتباسىمىزدىڭ ەڭ كىشكەنتاي مۇشەسى — ءبۇلدىرشىنىم، سەنىڭ دە جاڭا جىلىڭ قۇتتى بولسىن! اپپاق قارداي كوڭىلى پاك بالاپانىما كەلەر جىل تەك جاقسىلىقتارىن سىيلاسىن. جايناعان جۇزىنەن كۇلكى كەتپەي، بالدا...
-
اپپاق قار ۇلپىلدەي جاۋىپ تۇر. باسپالداققا تۇسسە، ەرىپ كەتەدى. كەنەتتەن قارعا اينالىپ، الىستا جۇرگەن سەنىڭ قولىڭا ءتۇسىپ، ەرىپ كەتەر مە ەدىم! ساعىنىشىم مەنىڭ، جاڭا جىلىڭمەن!
