بۇلدىرشىنگە ارنالعان جاڭا جىلدىق قۇتتىقتاۋلار، تىلەكتەر
وتباسىمىزدىڭ ەڭ كىشكەنتاي مۇشەسى — ءبۇلدىرشىنىم، سەنىڭ دە جاڭا جىلىڭ قۇتتى بولسىن! اپپاق قارداي كوڭىلى پاك بالاپانىما كەلەر جىل تەك جاقسىلىقتارىن سىيلاسىن. جايناعان جۇزىنەن كۇلكى كەتپەي، بالداي ءتاتتى قىلىقتارىنا قانباي جۇرە بەرەيىك!
*** *** *** ***
وسى مەرەكەنى قاتتى كۇتكەن بالاپانىم! قىران بولىپ سامعاپ، الىستاردى كوزدەپ، بيىكتەردى باعىندىراتىن ۇلكەن ازامات بول! ءومىر جولى سەنى ەشقاشان اداستىرماي، ءار باسقان قادامىڭا اللانىڭ نۇرى جاۋسىن. كورەر جاڭا جىلدارىڭ كوپ بولسىن، جۇزىڭنەن تەك قانا نۇرلى كۇلكىنى كورەيىك.
*** *** *** ***
جاڭا جىل بۇلدىرشىندەر ءۇشىن ەرەكشە مەرەكە. ولاردىڭ كىرشىكسىز كوڭىلدەرى بۇل كۇنى عاجايىپتىڭ بولارىنا سەنەدى. پەرىشتەلەردىڭ تىلەگى قاشان دا ورىندالادى. سوندىقتان، جاڭا جىل ەسىك قاقپاستان بۇرىن، بالاپانىم، سەنىڭ اماندىعىڭنىڭ تىلەكشىسىمىن! قاسقىردىڭ قايراتىن، ارىستاننىڭ ايباتىن، جىلقىنىڭ ساقتىعىن، بۇركىتتىڭ قىراعىلىعىن تىلەيمىن. تاۋ سۋىنداي تاۋسىلماس قايراتقا دا، سىر سۋىنداي سارقىلماس جىگەرگە دە، گۇلدەي جايقالعان عۇمىر مەن سامال جەلدەي تەربەلگەن ومىرگە بالام، سەن لايىقسىڭ!
*** *** *** ***
بالدىرعاندار انالارىنا شۋاق، اكەلەرىنە قۋات بولسىن! سيقىرلى مەرەكەدە اكەلەر سيقىرى تاۋسىلماي، وزدەرى سەنەتىن ەرتەگى عۇمىردى كورۋگە جازسىن! جاڭا جىل سابيلەر كۇلكىسىنەن ايىرماسىن، دەندەرى ساۋ، بالالىقتىڭ باقىتىنا تويماي جۇرە بەرسىن!
You Might Also Like
-
تامىرىن تەرەڭگە جايعان بايتەرەكتەي بارىمىزگە سايا بولا بىلگەن اتا-انامىزدى جاڭا جىلمەن قۇتتىقتاي وتىرىپ، ولارعا زور دەنساۋلىق، باقىتتى عۇمىر تىلەيمىز. ءومىردىڭ شاپاعاتى مەن شۋاعىنا كەنەلىپ، ارامىزدا ...
