بولاشاق جاستاردىڭ قولىندا
كەز كەلگەن ەل ءوزىنىڭ كەلەشەگىن وسكەلەڭ ۇرپاعىمەن بايلانىستىرادى. ءار ۇرپاقتىڭ پەشەنەسىنە جازىلعان زامان اعىمى، كەزەڭ تىنىسى بولادى. ءححى عاسىر بۇگىنگى ۇرپاققا، ياعني بىزدەرگە بۇيىرعان باقىت دەپ ويلايمىن. اتا-بابالارىمىز بولاشاق ۇرپاق ءۇشىن اقتىق دەمى قالعانشا كۇرەسىپ، بىزگە ەگەمەندىك الىپ بەردى. قازاق دالاسى اتا-بابالارىمىز عاسىرلار بويى ارمان ەتكەن جانە سول جولدا زور قۇرباندىقتارعا دۋشار بولىپ، ءوز تاۋەلسىزدىگىن جەڭىپ الدى. ەلىمىزدىڭ ەرتەڭى، مەملەكەتىمىزدىڭ جارقىن بولاشاعى ءبىلىمدى دە بىلگىر جاستاردىڭ قولىندا. ەلدىڭ ەرتەڭگى سەنىمى دە جاستاردىڭ موينىندا. قاي زاماندا بولماسىن قوعامنىڭ قوزعاۋشى كۇشى – جاستار. وسى رەتتە ەلباسىمىز نۇرسۇلتان ءابىش ۇلى نازاربايەۆتىڭ «مەن، سىزدەر، بۇگىنگى جاستار ەرەكشە ۇرپاق ەكەندەرىڭىزدى قايتالاۋدان جالىقپايمىن. سىزدەر تاۋەلسىز قازاقستاندا ومىرگە كەلدىڭىزدەر جانە سوندا ەرجەتىپ كەلەسىزدەر. سىزدەر جاستىق شاقتارىڭىزدىڭ ۋاقىتى – ءبىزدىڭ ەلىمىزدىڭ كوتەرىلۋ جانە گۇلدەنۋ ۋاقىتى. سىزدەر وسى جەتىستىكتەر رۋحىن جانە تابىسقا دەگەن ۇمتىلۋشىلىقتى بويلارىڭىزعا سىڭىردىڭىزدەر»، - دەگەن ءسوزى مەملەكەتپەن ۇلت بولاشاعى جاستار بولاشاعىمەن تىكەلەي بايلانىستى ەكەندىگىن ايقىندايدى.
جاسىراتىنى جوق، رەسپۋبليكامىزدىڭ بارلىق وڭىرلەرىندە جاستار بەلسەندىلىگى كۇشەيىپ كەلەدى. جاستار الەۋمەتتىك جانە قوعامدىق ءومىردىڭ بەلورتاسىنان تابىلىپ كەلەدى. ەلباسىنىڭ قازاقستان جاستارىنا دەگەن سەنىمى جوعارى ەكەندىگىن، بۇگىنگى قىز-جىگىتتەرىمىزدىڭ ينتەلەكتۋالدىق بەلسەندىلىگىن جوعارى باعالايتىندىعىن بىلەمىز. مەملەكەت باسشىسى ن. ءا. نازاربايەۆ «قازاقستان-2050» ستراتەگياسى - قالىپتاسقان مەملەكەتتىڭ جاڭا ساياسي باعىتى» جولداۋىندا جاستارعا ءداستۇردى ارداقتاپ، داستۇرگە ساي ءدىني سانا قالىپتاستىرۋ قاجەتتىگىن ايتا كەلىپ، قاراكوز قازاق قىزدارىن وزگە ەلدىڭ كيىمىن ۇلگى تۇتپاي، ۇلتتىق بولمىسقا ساي كيىنۋگە مەن قازىرگى زامان اعىمىنا سايكەس ءومىر سالتىن ۇستانۋعا شاقىردى. قازاقستاننىڭ زايىرلىلىق قاعيداسىنا ساي ءدىن تاڭداۋ – ءار ادامنىڭ ءوز ەركىندە. وسى ەركىندىكتى دۇرىس تۇسىنبەيتىن جاستاردىڭ تەرىس اعىمداردىڭ ىقپالىنا ءتۇسىپ جاتقانىن ايتپاي كەتۋگە بولمايدى. ءدىني ءبىلىمى تاياز جاستار ءدىننىڭ نە ەكەنىن، ونىڭ ماقساتىنىڭ قانداي ەكەنىن جەتە تۇسىنبەگەندىكتەن دە وسىنداي قاتەلىكتەرگە ۇرىنۋدا. ءالى وڭ مەن سولىن تانىماعان، جاقسىلىق مەن جاماندىقتى اجىراتا المايتىن جاستاردى تەرىس اعىم وكىلدەرى ارام پيعىلدارىنا پايدالانۋدا. مەملەكەتتىڭ كەلەشەگى جاستارعا بايلانىستى، سوندىقتان بۇل قۇبىلىس مەملەكەتكە ءقاۋىپ توندىرەدى.
جاستاردىڭ ەستەتيكالىق، ءدىني كوزقاراستارىن قالىپتاستىرۋدا بۇگىنگى عالامتور مەن بۇقارالىق اقپارات قۇرالدارىنىڭ ىقپالى ولشەۋسىز. ءموبيلدى الەمدە ءومىر ءسۇرۋ، عالامتور جەلىسىندەگى سانسىز اقپاراتتار جاستاردىڭ ءدىني نەمەسە وزگە دە مالىمەتتەردى تاڭداۋىنا دەس بەرمەيدى. سوندىقتان، ەڭ باستى باعدارشام – ۇلتتىق قۇندىلىق، ەڭ نەگىزگى ۇستانىم رۋحاني ىزگىلىك بولسا عانا ۇتىلمايمىز. الداعى ۋاقىتتا تاۋەلسىزدىگىمىزدىڭ تامىرىن تەرەڭدەتىپ، قازاقستاندى ىرگەلى مەملەكەتكە اينالدىرۋ ءبىزدىڭ قولىمىزدا،ياعني جاۋاپكەرشىلىگىندە. سوندىقتان جاستار قاۋىمى ۋاقىتتىڭ كەز-كەلگەن سىناعىنا دايىن بولىپ، باسەكەگە توتەپ بەرۋ كەرەك. ساناسى سەرگەك، زاماندىق تەحنولوگيالاردى مەڭگەرگەن وتانىمىزدىڭ ناعىز پاتريوتتارى عانا وسىنداي سىناقتاردان سۇرىنبەي وتە الماق. بۇگىن ەلىمىزدە جاستار سايا دە، حالىقارالىق دارەجەدە تالقىلانۋى - ونىڭ قوعام ومىرىندە ايتارلىقتاي ماڭىزدى ورىن الاتىنداعىن اڭعارتادى. ستاتيستيكا اگەنتتىگىنىڭ جۇرگىزگەن مونوتورينگ قورىتىندىسى بويىنشا مەملەكەتىمىزدەگى ادام سانىنىڭ 4،5 ميلليوننان استامى جاستاردىڭ ۇلەسىندە. بۇل دەگەنىمىز جالپى حالىقتىڭ 30 پايىزى جاستار دەگەن ءسوز. ەندەشە، ەلىمىزدىڭ ەرتەڭگى بولاشاعى جاستاردىڭ بۇگىننەن باستاپ، قانداي تاربيە الۋى مەن وتان سۇيگىشتىك قاسيەتتىڭ دامۋى اسا ماڭىزدى. ەڭ اۋەلى جاستار بويىندا رۋحاني ادامگەرشىلىك، ساياسي ينتەلەكتتىك، قۇقىقتىق تاربيە باسىم بولعانى ءجون. زاماننىڭ زاڭعار تۇلعالارىنىڭ ءبىرى – مىرجاقىپ دۋلاتوۆ: «الىستان الاش دەسە، اتتانامىن، قازاقتى قازاق دەسە ماقتانامىن»، - دەپ ايتقانىنداي ارىستانداي ايباتتى، جولبارىستاي قايراتتى جاستارىمىز جاڭا يدەيالاردى جۇزەگە اسىرىپ، ومىرشەڭ ىستەردىڭ باستاۋىندا تۇرعاندا بۇگىنگى جاس ۇرپاقپەن ءارقاشاندا ماقتانامىز. قورىتا كەلگەندە بۇگىنگى جاستارعا ايتارىم، ءاربىر جاس جۇرەك ءوزىنىڭ تۋعان وتانى - قازاقستانىن جانىنداي ءسۇيىپ، تانىپ، وعان تابىنىپ ءوسۋى قاجەت. سوندا عانا جاس ۇرپاق بويىندا پاتريوتتىق سەزىم ۇيالاپ، كەلەشەگىمىز كەمەلدەنە تۇسپەك. ەلباسىمىزدىڭ حالىققا جولداۋىندا: ءبىزدىڭ ۇرپاق الدىندا بابالار قول جەتكىزگەن يگىلىكتى ساقتاۋ، قايتا قالپىنا كەلتىرىلگەن مەملەكەتىمىزدى نىعايتۋ جانە دۇنيەجۇزىلىك قاۋىمداستىق تالاپتارىنا ساي جاڭا ساپالىق دەڭگەيگە كوتەرىلۋ مىندەتى تۇر،- دەپ ، جاستارعا زور سەنىم مەن ءۇمىت ارتىپ وتىر. سول سەنىمدى اقتاپ، بولاشاعىمىزدى جارقىن قىلايىق!
قازۇۋ حيميا جانە حيميالىق تەحنولوگيالار فاكۋلتەتىنىڭ 1 كۋرس ستۋدەنتى: ەسەنكەلدى جانەركە
جەتەكشى: اعا وقىتىۋشى قايراكبايەۆا گ. س
You Might Also Like
-
جاستىق شاق ادام ءومىرىنىڭ ەڭ جاقسى كەزەڭى دەيدى، ويتكەنى ول كەزدە ادام الاڭسىز، الاڭدايتىن ەشتەڭەسى جوق-ول وتباسىن اسىرامايدى، بالا تاربيەلەمەيدى. ءبىراق بۇل ءسوز راس پا؟. كوبىنەسە اتا-انامىز ولا...
-
مەنىڭ ەسىمىن جالالاددين. مەن ءال-فارابي اتىنداعى ءقازۇۋ-نىڭ مەديسينا جانە دەنساۋلىق ساقتاۋ فاكۋلتەتىنىڭ ستوماتولوگيا ماماندىعىنا ءتۇستىم. مىنەكەي، ستۋدەنتتىك ءومىردىڭ ءۇش ايى ءۇش كۇندەي بولىپ وتە شىقتى....
