ەسسە جانە ولەڭ-جىر بايقاۋىن جاريالايمىز
بيىل دا كوپشىلىكتىڭ سۇرانىسى بويىنشا Bilim-all.kz اقپاراتتىق-تانىمدىق پورتالىندا سايىس وتكەلى جاتىر. بۇل جولى كىشىگىرىم ەرەكشەلىكتەرى بار، بارلىعى تومەندە تولىعىراق جازىلعان.
2019 جىلدىڭ 30 تامىزى مەن 2020 جىلدىڭ 25 قاڭتارى ارالىعىندا وتەتىن ەسسە جانە ولەڭ-جىر بايقاۋىنا شىعارمالار قابىلدايمىز.
ماقساتى: شىعارماشىل جاستاردىڭ ونەرىنە قولداۋ كورسەتە وتىرىپ، مەملەكەتتىك ءتىلدىڭ قولدانىس اياسىن كەڭەيتۋ، ولەڭ-سوزدىڭ قۇدىرەتى ارقىلى قازاق ءتىلىنىڭ مارتەبەسىن كوتەرۋ.
سايىسقا قاتىسۋشىلاردىڭ ەسسە جانە ولەڭ-جىرلارى ۇستىمىزدەگى جىلدىڭ 25 قاڭتارىنا دەيىن قابىلدانادى. قابىلدانعان شىعارمالار 1 ايدىڭ (25 قاڭتار - 25 اقپان) كولەمىندە ىرىكتەۋدەن ءوتىپ، جەڭىمپازدار انىقتالىپ، 2020 جىلدىڭ 26 اقپان كۇنى سايتىمىزدا جاريالانادى.
نەگىزگى جۇلدەلەر:
ولەڭ-جىر
ءى ورىن – بىرەۋ – سمارتفون + ديپلوم.
ءىى ورىن – ەكەۋ – PowerBank + ديپلوم.
ءىىى ورىن – ۇشەۋ – PowerBank + ديپلوم.
ەسسە
ءى ورىن – بىرەۋ – سمارتفون + ديپلوم.
ءىى ورىن – ەكەۋ – PowerBank + ديپلوم.
ءىىى ورىن – ۇشەۋ – PowerBank + ديپلوم.
سونىمەن قاتار Bilimland.kz سايتىندا دا ءار اپتانىڭ قورىتىندىسى بويىنشا ۇزدىك شىعارمالار جاريالانىپ، اۆتورلارى bilimland ۇجىمىنان PowerBank-پەن ماراپاتتالادى.
بايقاۋ سوڭىندا، نەگىزگى جۇلدەلەردەن بولەك، Bilimland.kz ۇجىمىنىڭ اتىنان دا ارنايى سىيلىق يەسى انىقتالاتىن بولادى. ەڭ ۇزدىك شىعارمانى Bilimland.kz سايتىنا جاريالاپ، باعالى سمارتفونمەن ماراپاتتايدى.
شارتتار:
— سايىسقا قاتىسۋشىلاردىڭ جاسى 14 - 29 ارالىعىندا بولۋى كەرەك.
— پورتالعا تىركەلىپ (الدىن تىركەلگەندەردىڭ قايتا تىركەلۋى قاجەت ەمەس، سول اككاۋنتتارى جارايدى)، ولەڭ-جىر نەمەسە ەسسە ەنگىزۋ كەرەك؛
— ەركىن تاقىرىپتاعى ەسسە جانە ولەڭ-جىرلار قابىلدانادى. ەسسەنىڭ كولەمى كەم دەگەندە 350 ءسوز.
— ىلمەكتەردىڭ ىشىندە bilim2019 دەگەن ىلمەك مىندەتتى تۇردە بولۋ كەرەك (سايىسقا قاتىسقانىن وسى ىلمەك ارقىلى بىلەمىز)، ولەڭ ەنگىزگەندە - اۆتورى ءوزىم - دەگەن بەلگى بار، سونى باسۋ كەرەك (جازۋدىڭ ءۇستىن). ەسسە ەنگىزگەندە كاتەگوريالاردان «سايىس2019» دەگەن ءبولىمدى تاڭداۋ كەرەك؛
نۇسقاۋلىقتار:
- قالاي تىركەلەمىن؟
- ءقۇپياسوزدى (ءپارولدى) ۇمىتقان جاعدايدا
- ولەڭ قوسۋ (سۇراقتار تۋىنداماس ءۇشىن مۇقيات قاراپ شىعىڭىز)
- ىلمەك بويىنشا ىزدەۋ دەگەن نە جانە ونى قالاي قولدانامىز؟
- باسقا دا سۇراقتار
- سايتقا ماتەريال قوسۋ (ەسسە ەنگىزۋ ءۇشىن «ماقالا قوسۋ» دەگەندى تاڭداۋ كەرەك)
سايىستاعى ولەڭ-جىر (ەگەر ولەڭىڭىز جوق بولسا ىلمەكتى دۇرىستاۋىڭىز قاجەت): «bilim2019» ىلمەگى ارقىلى تابۋعا بولادى.
ەسسە (ەسسەڭىز جوق بولسا ءبولىمدى دۇرىس تاڭداۋ كەرەك): «سايىس2019» بولىمىندە.
بارلىق ولەڭ-جىرلار: ولەڭدەر بولىمىندە.
سۇراقتار ءۇشىن:
E-mail: bilimall.kz@gmail.com
مىندەتتى تۇردە جاۋاپ بەرەمىز!
دەمەۋشىلەرگە دە اشىقپىز.
You Might Also Like
-
بىردە الىس ساپاردان ءۇي ءىشىن ساعىنىپ كەلە جاتىپ اۋىلىنا جاقىنداعاندا، سىرىم جولداستارىنا:
