InfoHub Logo

«كوڭىلدى ماتەماتيكا الەمى» اتتى سايىس.

ماقساتى: وقۋشىلاردىڭ پانگە قىزىعۋشىلىعىن ارتتىرۋ، توپپەن جۇمىس ىستەۋ قابىلەتتەرىن دامىتۋ، ەڭبەككە باۋلۋ، جاۋاپكەرشىلىككە تاربيەلەۋ.
قاجەت ۋاقىتىندا تەز، دۇرىس شەشىم قابىلداي بىلۋگە داعدىلاندىرۋ.
كورنەكىلىگى: ينتەراكتيۆتى تاقتا، سلايدتار، جاڭىلتپاشتار، جۇمباقتار،
ەسەپتەر، كەسپە ارىپتەر.
ءجۇرىسى: بۇگىنگى سايىس تورىندە،
ماتەماتيكا تىلىندە،
ەسەپ شەشىپ جارىسىپ،
جۇمباق شەشىپ اڭدىسىپ،
شابىت تاسىپ شالقىسىن.
مۇندا قىزىق تاعى بار،
جاڭىلتپاش، سۋرەت ءبارى بار،
جينالعان ىلعي دارىندار،
جۇرەكتە وت، كوزدەرىندە جالىن بار.
بىلىكتىلىگى مەن ءبىلىمىن،
ساراپتاپ وزدەرىڭىز كورىڭىزدەر،
ۇقىپتىلىقپەن تىڭداي وتىرىپ،
ولارعا باعا بەرىڭىزدەر!
1 - سايىس تانىستىرۋ.
(ءار سىنىپ ءوز توبىن تانىستىرادى. توپتىڭ اتىن قورعاۋ، ۇرانى، توپ مۇشەلەرىن تانىستىرۋ.)
2 - سايىس «كىم جۇيرىك - ويعا!»
ۆيكتورينالىق سۇراقتار:
1. ەڭ كىشى جاي.
2. الەم كارتاسىندا قازاقستان جەر كولەمى بويىنشا نەشىنشى ورىندا؟
3. ساعاتتىڭ تورتتەن ءبىر بولىگى نەشە مينۋت؟
4. كەلتىرىلگەن كۆادرات تەڭدەۋدى شەشۋ فورمۋلاسىن دالەلدەگەن ماتەماتيك.
5. قانداي جولمەن ادام ەش ۋاقىتتا جۇرمەيدى.
6. قازاقستاننان شىققان تۇڭعىش عارىشكەر.
7. پيفاگور تەورەماسى.
8. sin 30° ءمانى.
9. ءبىر جىلدا نەشە تاۋلىك بار؟
10. سۋدا قانداي تاس بولمايدى؟
3 - سايىس
«ءار قولدىڭ ءوز ءىسى!»
سۋرەتشىلەر سايىسى. ەكى توپتان ەكى وقۋشى شىعىپ، ەكى قولىنا ەكى بور الىپ، سۋرەت سالۋ.

4 - سايىس
«قىزىقتى ەستافەتا»
1 - توپقا ت، ڭ، ە، گ، ءۇ، ب، ءى، ر، ە، ڭ.
2 - توپقا ب، ر، ۇ، ى، ش، ن، ا، س، م، ق.
بەرىلگەن ارىپتەر بويىنشا، سۇراقتارعا جاۋاپ بەرە وتىرىپ، سوزدەر قۇراستىرۋ.

1 - توپقا سۇراقتار:
1. ۇلتتىق ۆاليۋتا. (تەڭگە )
2. دارەجەگە كەرى امال. (ءتۇبىر )
3. ... ەتسەڭ ەرىنبەي،
تويادى قارنىڭ تىلەنبەي. (ەڭبەك)
4. سۋعا ەنىپ تۇرعان قۇرلىقتىڭ ءبىر بولىگى. (تۇبەك)
5. شاعاتىن وتە كىشكەنتاي جاندىك. (بۇرگە)

2 - توپقا سۇراقتار
1. الىمى بولىمىنەن ۇلكەن بولشەك. (بۇرىس)
2. قوياندى قامىس، ەردى ... ولتىرەدى. (نامىس)
3. ونەر اعىپ تۇرعان بۇلاق،
ءبىلىم جانىپ تۇرعان ... ( شىراق)
4. ءبىر نۇكتەدەن شىعاتىن ەكى ساۋلەدەن قۇرالعان جازىقتىقتىڭ بولىگى (تۇبەك)
5. ءيىس سەزۋ مۇشەسى. ( مۇرىن)
5 - سايىس
«جەكپە - جەك.»
ءار توپ ءبىر - بىرىنە دايىنداپ كەلگەن تاپسىرمالارىن ۇسىنادى.
6 - سايىس
«جاڭىلماستان ايتىپ كور!»
ماتەماتيكالىق جاڭىلتپاش ايتۋ، جۇمباق شەشۋ.
جاڭىلتپاشتار.
كىم سىزعىشسىز؟
ءبىز سىزعىشسىزبىز!
سىزعىشسىزدارعا،
سىزعىشسىز سىزعىز.

ايقىش بۇرىش، ايقىش بۇرىش،
تەڭ - تەڭ بۇرىش، تۇتاس بۇرىش،
تۇستاس بۇرىش، تۇستاس بۇرىش،
سايكەس بۇرىش قۇرعان بۇرىش.

جۇمباقتار.
ماتەماتيكالىق تاڭبا ول،
ءبىلىمىڭ بولسا، اشاسىڭ،
تەرىس سان بولسا استىندا،
ماعىناسىز دەپ قاشاسىڭ.
(كۆادرات ءتۇبىر )

ءبىز سانبىز سىزىقپەن بولىنگەن،
ماتەماتيكانى ۇقپاس ادامعا
قۇبىجىق بوپ كورىنگەن.
دۇرىس، بۇرىس، ارالاس،
وندىق بولىپ بولىنگەن.
(بولشەك سان)

ساناۋ ءۇشىن ادامدى، تالدى، مالدى،
ەرتەدەن مۇرا بولىپ قالدى،
كوبەيتىپ، ءبولىپ، ازايتىپ،
قوسامىز كۇندەلىكتى ول ساندى.
(ناتۋرال سان)
ايقاسقان ەكى تاياق،
تۇرادى جوقتى سۇراپ.
(يكس )
7 - سايىس
«ەسەپتەرمەن بەرىلگەن ەل تاريحى.»
ماسەلە ەسەپتەر شىعارۋ.
قورىتىندىلاۋ . جەڭىمپازداردى ماراپاتتاۋ.
جۇزگەن كەمە تۇماندا،
نەگە اداسىپ كەتپەيدى.
نەمەسە ول ءبىر ماڭدا،
تومەن نەگە شوكپەيدى،
ونى ساقتاپ قالاتىن،
ماتەماتيكا - عىلىم بۇل،
سوندىقتان دا ەرىنبەي،
سول عىلىمنىڭ ءتىلىن ءبىل!