InfoHub Logo

قازاقستاننىڭ حالىق ءارتىسى ماقپال ءجۇنىسوۆا ءوزىنىڭ مەرەكەلىك كونسەرتىندە كوپشىلىكتى انىمەن عانا ەمەس، تاپقىر ازىلىمەن دە باۋراپ الدى. ونەر يەسى جاسى 60-تان اسقاندا وزىنە دەگەن قىزىعۋشىلىقتىڭ ارتقانىن ايتىپ، جۇرتتى كۇلكىگە قارىق قىلدى.

بۇل تۋرالى Infohub.kz اقپارات اگەنتتىگى حابارلايدى.

جاسىم كەلدى، نەسىن جاسىرايىن

ءانشىنىڭ ايتۋىنشا، 60 جاسقا دەيىن ەشكىم جاقىنداماعانىمەن، 62-دەن اسقاننان كەيىن «شالدار سويلەي باستاپتى». «تىنىش جۇرىڭدەر، قۇرىسىن. بەرەتىن ەشتەڭەم جوق، كارىمىن. بىزدە ولەڭ ايتۋ عانا قالدى. نەمەرە باعىپ ولەڭ ايتۋ، كەيدە وسىلاي قالجىڭداسۋ عانا بىزدىكى»، – دەپ ازىلدەگەن ءانشىنىڭ ءسوزى جەلىدە قىزۋ تالقىعا ءتۇستى.

جانكۇيەرلەر ريزاشىلىعىن ءبىلدىردى

جەلى قولدانۋشىلارى ماقپال ءجۇنىسوۆانىڭ ءازىلىن جوعارى باعالاپ، ونىڭ اقكوڭىلدىلىگى مەن مەيىرىمدىلىگىن ماقتاپ جاتتى. «نە ايتسا دا جاراسادى»، «سونداي كەرەمەت، اقكوڭىل جانسىز، امان بولىڭىز»، «مەيىرىمى جۇزىنەن شاشىلىپ تۇر. عۇمىرلى بولىڭىز»، – دەپ پىكىر قالدىردى وقىرماندار.