مەنىڭ ۋنيۆەرسيتەتىم
مەن ازييەۆا شاھريزادا ءال-فارابي اتىنداعى قازاق ۇلتتىق ۋنيۆەرسيتەتىنىڭ (قازۇۋ) ەكونوميكا جانە بيزنەس جوعارى مەكتەبىنىڭ 1ء-شى كۋرس ستۋدەنتىمىن. ۇلتتىق ءبىرىڭعاي تەستىلەۋدەن كەيىنگى ماڭىزدى قادامداردىڭ ءبىرى الداعى 4 جىلىڭدى تابىستاي الاتىن سەنىمدى ۋنيۆەرسيتەت تاڭداۋ. وسى تۇستا مەنىڭ تاڭداۋىم قازۇۋ-نە ءتۇستى. وقۋ جىلىنىڭ باستالعانىنا كوپ بولماسا دا ءوز تاڭداۋىما وكىنگەنىم جوق. ۇلتتىق ۋنيۆەرسيتەتتى تاڭداي وتىرا مەن ءوز بولاشاعىما نىق سەنىممەن قاراي الامىن.
قازاق ۇلتتىق ۋنيۆەرسيتەتىنىڭ بىردەن ءبىر ەرەكشەلىگى قازۇۋ قالاشىعى بولار. كامپۋستىڭ تەرريتورياسى وتە ۇلكەن ءارى اسەم تابيعاتقا يە. مۇندا باس اكىمشىلىك عيمارات، ستۋدەنتتەر سارايى، فاكۋلتەت عيماراتتارى، كىتاپحانا، “كەرەمەت” ستۋدەنتتەرگە قىزمەت كورسەتۋ ورتالىعى، سپورت كەشەنى جانە ستۋدەنتتەر ءۇيى ورنالاسقان. وسى تۇستا كىتاپحانامىزدى اتاپ وتپەسكە بولماس. ءبىرىنشى قاباتتا ءال-فارابي مۋزەيى جانە اسحانا ورنالاسقان. ەكىنشى قاباتتا كىتاپحانا بولسا، ءۇشىنشى قاباتتا ەلەكتروندى كىتاپ وقۋعا ارنالعان ورىن بار. قازۇۋ-دەگى ءاربىر ستۋدەنت ءۇشىن كىتاپحانا ەسىگى ءاردايىم اشىق.
وسى ۋاقىتقا دەيىن قانشاما ءىس-شارالار بولسا دا، قىركۇيەك ايىندا وتكەن 1ء-شى كۋرس ستۋدەنتتەرىنە ارنالعان “Welcome” كەشى ەرەكشە بولدى. بۇل كەشكە ءوز ۇلەسىمدى قوسىپ ۇلگەردىم. ءىس-شاراعا ات سالىسقانىم ءۇشىن قۋانىشتىمىن جانە سول كەشتىڭ كورەرمەنى بولعانىمدى ايتا كەتەيىن. دايىندىق بارىسىندا كەتكەن ۋاقىت ومىرىمە جاڭا دوستار اكەلدى. قانشاما كورەرمەن الدىندا قازۇۋ ساحناسىنا شىعىپ ونەر كورسەتۋ مەن ءۇشىن جەتىستىك.
وسى ماقالام ارقىلى قازاق ۇلتتىق ۋنيۆەرسيتەتىن تاڭداپ، ستۋدەنتتىك شاقتارىڭىزدى بەلسەندى وتكىزۋگە شاقىرعىم كەلەدى.
ورىنداعان: ازييەۆا شاھريزادا
جەتەكشىم: تلەۋگابىلوۆا ز. ا.
You Might Also Like
-
مەنىڭ ەسىمىم وتەشوۆا ايكۇنىم. مەن ورال قالاسىنان كەلىپ، ءال-فارابي اتىنداعى قازۇۋ- نە وقۋعا ءتۇستىم. ءال-فارابي اتىنداعى قازۇۋ "حيميا جانە حيميالىق تەحنولوگيالار" فاكۋلتەتىندە ءبىلىم الامىن.
-
فاكۋلتەتتە ستۋدەنتتەردىڭ ءبىلىم الۋىنا تولىق جاعداي جاسالعان. كىتاپحانا وقۋ پاندەرى بويىنشا وقۋلىقتار، وقۋ قۇرالدارى، عىلىمي ەڭبەكتەر، ادىستەمەلىك كەڭەستەر، نۇسقاۋلارمەن جەتكىلىكگى دارەجەدە قامتاما...
