مۇسانىڭ بايدان سىباعا جەۋى
ىلگەرىدە ءبىر اتاقتى يشان بولىپتى. باي مەن بەكتەر ونى قاتتى سىيلاپ، قۇرمەت تۇتادى ەكەن. قىسقى سوعىمنان يشانعا سىباعا ساقتاپ ەل قىستاۋدان جايلاۋعا بەتتەپ كوشكەندە، داۋلەتتى اۋىلدار بىرىنەن سوڭ ءبىرى شاقىرىپ، يشانعا قوناقاسى بەرەدى ەكەن. يشان تۇسكەن ۇيىندە جۇرتتىڭ كوزىنە تۇسپەۋ ءۇشىن وتىرعان جەرگە شىمىلدىق قۇرعىزىپ، تاماقتى دا سونىڭ ىشىنە الدىرىپ ىشەدى ەكەن.
مۇسا دەيتىن كەدەي جىگىت ەل جايلاۋعا كوشىپ جاتقان كەزدە ۇستىنە يشاننىڭ كيىمىندەي كيىم كيىپ، استىنا سونىڭ اتىنداي ات ءمىنىپ، قاسىنا ەكى-ۇش جولداس ەرتىپ، ءبىر بايدىڭ اۋىلىنا اتتانىپتى. ەل ورىنعا جاڭا عانا وتىرىپ جاتقان قاربالاس شاقتا، بايدىڭ ۇيىنە كەلىپ تۇسەدى. مۇسا يشاننىڭ بارلىق ادەتىن ىستەپ، ەشكىمگە كورىنبەي، شىمىلدىق ىشىندە وتىرادى. باي بايەك بوپ، يشانعا ساقتاعان سىباعاسىن اسىپتى، بارىنشا سىي-قۇرمەت كورسەتەدى. بايدان سىباعا جەپ، الارىن العان مۇسا ىشىنەن كۇلەدى دە، قوش ايتىسىپ، ءتۇن ىشىندە اتتانىپ ءجۇرىپ كەتەدى. ەرتەڭىنە باي اۋىلىنا ناعىز يشاننىڭ ءوزى كەلەدى. بۇعان اڭتاڭ بولعان باي:
— يشەكە-اۋ، نەگە تەز ورالدىڭىز، ءسىزدى كورشى اۋىل كۇتىپ وتىر ەدى عوي، — دەيدى.
بۇل سوزگە تۇسىنبەگەن يشان:
— ءسىز نە ايتىپ تۇرسىز، ءسىزدىڭ ۇيگە بىلتىردان سوڭ ورالىپ تۇرعانىمىز وسى ەمەس پە! — دەپتى.
باي الدانعانىن سوندا ءبىر-اق ءبىلىپتى.
You Might Also Like
-
باياعىدا ءبىر اڭقاۋ دالادا جولاۋشى كەلە جاتىپ توپ شەڭگەلدىڭ تۇبىندە ۇيىقتاپ جاتقان تۇلكىنى كورەدى. تۇلكى تىرپ ەتپەي جاتا بەرەدى. اڭقاۋ اتىنان ءتۇسىپ، سەكسەۋىل تاياعىن كوتەرىپ، تۇلكىنى ۇرۋعا ەبدەيلەنە ب...
-
ءبىر قۇس اتىپ السا، ون قۇس اتىپ الدىم، — دەپ قۇرىققا سىرىق جالعاپ، جەل ءسوزدى سۋداي ساپىرىپ جۇرگەن ءبىر اڭشى اڭگىمە ۇستىندە قىزا-قىزا كەلىپ:
