قازۇۋ – دارىندىلار مەكەنى
وندىرىستىك تاجىربيە جەتەكشىسى ەسبولوۆا ءمولدىر اۋەلتايەۆنانىڭ جەتەكشىلىگىمەن
ءال-فارابي اتىنداعى قازۇۋ فيلوسوفيا جانە ساياساتتانۋ فاكۋلتەتى
مادەنيەتتانۋ ماماندىعىنىڭ 2ء-شى كۋرس ستۋدەنتى
تۋرلىبايەۆا جانسايا تالگات قىزى
شىعىستىڭ اتاقتى فيلوسوفى، ويشىل ءابۋ ناسىر يبن ءال-فارابيدىڭ ەسىمىمەن اتالاتىن ءال-فارابي اتىنداعى قازاق ۇلتتىق ۋنيۆەرسيتەتى ەلىمىزدەگى الدىڭعى قاتارلى جەتەكشى جوعارعى وقۋ ورنى، سونداي –اق ەلىمىزدىڭ ءىرى ءبىلىم جانە عىلىمي ورتالىعى بولىپ تابىلادى.
قازاق ۇلتتىق ۋنيۆەرسيتەتى ءوزىنىڭ نەگىزىن 1934 جىلى قالاعاننان باستاپ قازاقستانداعى ءبىلىم بەرۋ جۇيەسىنىڭ بەتكە ۇستار كوركى، ۋنيۆەرسيتەتتىك داستۇرلەردىڭ، كاسىبي بىلىكتى عىلىمي جانە پەداگوگيكالىق مەكتەپتەردىڭ باستاۋ – كوزى بولدى. وسى ساپالى ءبىلىمنىڭ قارا شاڭىراعى، قازاقستانداعى ءبىلىم بەرۋ جۇيەسىنىڭ تىرەگى، ەسكىنىڭ كوزىن كورگەن، 80 جىلعا جۋىق باي تاريحى جيناقتالعان ۇلتتىق ۋنيۆەرسيتەتتە ەلىمىزدىڭ تۇكپىر تۇكپىرىنەن، الىس — جاقىن شەت ەلدەردەن كەلىپ، وقىپ جاتقان ستۋدەنتتەر جەتەرلىك.
بۇگىندە ءال-فارابي اتىنداعى قازۇۋ ەرەكشە مارتەبەسى بار قازاقستاننىڭ جەتەكشى ،ءارى الەمدىك ءبىلىم نارىعىنداعى باسەكەگە قابىلەتتى، الەمدەگى ەڭ ۇزدىك 800 ۋنيۆەرسيتەت اراسىندا 275ء-شى ورىندى يەمدەنە بىلگەن، قازاقستانداعى نومەرى ءبىرىنشى ۋنيۆەرسيتەت، سونىمەن قاتار ءبىلىم مەن عىلىمنىڭ ۇلتتىق كوشباسشىسى. سونداي –اق حالىقارالىق QS رەيتينگىسى بويىنشا الەمدىك ۇزدىك 250-توپ ۋنيۆەرسيتەت قاتارىنا ەنىپ 236 ورىندى يەمدەندى. ۋنيۆەرسيتەت 180-نەن استام گۋمانيتارلىق، جاراتىلىستانۋ جانە تەحنيكالىق ماماندىقتار بويىنشا باكالاۆرلاردى، ماگيسترانتتاردى، دوكتورانتتاردى دايىندايدى. ۋنيۆەرسيتەت قۇرامىندا 15 فاكۋلتەت، 98 كافەدرا، 20 عىلىمي-زەرتتەۋ ينستيتۋتتارى مەن ورتالىقتار، تەحنوپارك قىزمەت اتقارادى: 2000-نان استام پروفەسسورلار، دوكتورلار، عىلىم كانديداتتارى مەن فيلوسوفيا دوكتورلارى ۋنيۆەرسيتەتتە قىزمەت اتقارادى.
قازۇۋ-دىڭ 41 ماماندىعى ساپا ساراپتاماسى مەن ەكونوميكالىق، قۇقىقتىق جانە الەۋمەتتىك-گۋمانيتارلىق باعىتتا ءبىلىم بەرۋ باعدارلامالارى بويىنشا اككرەديتتاۋدان تابىستى وتكەن ۋنيۆەرسيتەت. ۋنيۆەرسيتەتتە كوپسالالى جوعارى كاسىبي ءبىلىم جۇيەسى بويىنشا 20000 ستۋدەنت ءبىلىم الۋدا. قازۇۋ قالاشىعىندا وسى ستۋدەنتتەرگە بارلىق جاعداي جاسالعان. مىسالى، ينتەرنەت ورتالىعى، ءو.ا. جولداسبەكوۆ اتىنداعى ستۋدەنتتەر سارايى، مۇراجاي.، تاماقتاندىرۋ كومبيناتى، ستۋدەنتتەرگە قىزمەت كورسەتۋ ورتالىعى «كەرەمەت»، كومپيۋتەرلى- تەحنيكالىق جابدىقتار، WI-FI سىمسىز ينتەرنەت جەلىسى ، اۋقىمى كەڭ سپورتتىق كەشەن، دميتريي بالاندين اتىنداعى 25 مەترلىك ءجۇزۋ باسسەينى سياقتى ورتالىقتار ورنالاسقان. ونىمەن قوسا ەڭ باي كىتاپحانا — ءال- فارابي اتىنداعى كىتاپحانا ورنالاسقان. قويناۋىندا 2 ميلليوننان استام كىتاپ قورى بار ءزاۋلىم سارايدا ءار ستۋدەنت ءوزىنىڭ كەرەگىنە ەش قيىندىقسىز قول جەتكىزە الادى. ورتا ازياداعى جوعارى وقۋ ورىندارى اراسىنداعى ەڭ ۇلكەن كىتاپ قورىنا يە بولعان بۇل كىتاپحانادا شىعىستىڭ ۇلى ويشىلى ءال-فارابيدىڭ ءومىرى مەن شىعارماشىلىعىن ناسيحاتتايتىن مۇراجايى، ۇلى عۇلامانىڭ عىلىمي-اعارتۋشىلىق مۇراسىن زەرتتەۋمەن اينالىساتىن ءال-فارابي ورتالىعى ورنالاسقان.
سونىمەن قاتار قازۇۋ عالىمدارى «EXPO-2017» كورمەسىنە قاتىسىپ، ءوز جوبالارىن تانىستىردى. ال بيىلعى جىلعى ءبىلىم گرانتتارىنىڭ كورسەتكىشى بويىنشا، قازۇۋ ءبىرىنشى ورىنعا يە بولدى. ۋنيۆەرسيتەتتىڭ اۋىز تولتىرىپ ايتارلىق جەتىستىكتەرى مۇنىمەن شەكتەلمەيدى، باستىسى بىلىمگە دەگەن ۇمتىلىس وشپەسە بولعانى. بۇل تۇرعىدا، قازۇۋ جاستارىنىڭ جالىندى، جىگەرلى، ءبىلىمدى، ونەرلى، ءھام ءبىلىمپاز ەكەنىن العا تارتۋعا بولادى.
ماعجان جۇمابايەۆ ايتقانداي: «ارىستانداي ايباتتى، جولبارىستاي قايراتتى، مەن جاستارعا سەنەمىن!»، — دەمەكشى ارىستانداي ايباتتى، جولبارىستاي قايراتتى جاستاردىڭ وتانى – ءال-فارابي اتىنداعى قازاق ۇلتتىق ۋنيۆەرسيتەتى!
You Might Also Like
-
ۇلتتىق كود – ەڭ الدىمەن، تىلدە، سوسىن ءداستۇرىمىز بەن سالتىمىزدى، مىنەزىمىزدى ايقىندايتىن دىلدە، ۇلتتىق مادەنيەتتە. قازاق بالاسىنىڭ تاعىلىمى مول تاريحىندا مادەني-رۋحاني بولمىسى ىزگىلىكپەن ءادىپ...
