"دزيۋدو" سپورتشىسى قۇمار ولجاسپەن سۇحبات
- ءوزىڭ جانە وتباسىڭ جايلى ايتا كەتسەڭ؟
- مەن - قۇمار ولجاس. 2004 جىلى مامىر ايىندا اتىراۋ قالاسىندا، اقجار اۋىلىندا دۇنيەگە كەلدىم. وتباسىمدا 5 ادام: اجەم، اكەم، انام، اعام جانە مەن. اكەم – مۇنايشى، انام ءمۇعالىم بوپ قىزمەت اتقارادى.
- سپورتقا قانشا جاسىڭدا كەلدىڭ؟ العاش كەلگەن ءساتىڭ ەسىڭ دە مە؟
- سپورتقا 10 جاسىمدا كەلدىم. 2015 جىلدان باستاپ نىقتاپ كىرىسىپ، دايىندىقتى كۇشەيتتىم. جالپى، “دزيۋدو” سپورتىنا قىزىعۋشىلىعىم سول سپورتتى كورىپ، باقىلاپ جۇرگەننەن كەيىن باستالدى. تەلەديداردان ديۋزيۋدويستتەردىڭ نەشە ءتۇرلى ادىستەر جاساپ، ەڭبەكتەنىپ، سونىڭ ارقاسىندا الەمدىك دەڭگەيگە جەتكەنى “قاتىسامىن” دەگەن ويعا اكەلدى. سودان اكەمە ايتىپ، ول مەنىڭ باستامامدى قولداپ، سولاي بۇل سپورتتى دا الىپ كەتتىك.
- العاشقى جەڭىسىڭ مەن جەڭىلىسىڭ؟
- العاشقى جەڭىس تە، جەڭىلىس تە ەرەكشە ەستە قالادى عوي. سەبەبى، ەكەۋى دە مىقتىلىعىڭدى شىڭداي تۇسەدى. العاشقى جەڭىسىم اتىراۋ وبلىسىندا وتكەن تۋرنيردە، 32 كگ سالماقتا بولدى. كۇمىس مەدالدى قانجىعاما بايلادىم. جەڭىلىسىم اتىراۋ قالاسىندا “چەمپيونات قازاقستانعا” ىرىكتەۋ بولىپ جاتىرعان كەزدە بولدى. ءبىرىنشى بەلدەسۋدەن ۇتىلدىم.
- سپورتتا ۇلگى تۇتار كۋميرىڭ كىم؟
- ءوزىم قاتىساتىن سپورت “دزيۋدو” بولعاندىقتان، بار قىزىعۋشىلىعىمدا وسىدا. نەگىزى مەندە “كۋمير سانايمىن” دەگەن ادام جوق. مەن ءۇشىن بارلىعى مىقتى. الايدا، ناقتى كۇرەسۋ ادىسىنەن ەلدوس سمەتوۆتى ەرەكشە ايتۋعا بولادى. كۇرەس ساتىندەگى قولداناتىن تاسىلدەرى، ۇلگىسى ماقتاۋعا تۇرارلىق.
- قازاقستاننان باسقا ەلدەردە دە بەلدەسىپ، كوك تۋىمىزدى جەلبىرەتىپ ءجۇرسىڭ. شەت ەلدەردەگى كۇرەستە ەرەكشە سەزىم بولا ما؟
- ارينە، بولادى. ءوز ەلىڭدەگى كۇرەستەن ايىرماشىلىعى دا بولەكقوي. ەگەر قازاقستاندا كۇرەسسەم ءوز قالامدى، وبلىستىڭ اتىن قورعايمىن. باسقا ەلدە، كەرىسىنشە، قازاقستاننىڭ نامىسىن بەرمەۋ كەرەك. سوندىقتان الدەقايدا ۇلكەن جاۋاپكەرشىلىك سەزىنەمىن. ونداي ساتتەردە مەنىڭ ماقساتتارىم كۇشەيە تۇسەدى، ءوزىمدى بىرنەشە ەسە جىگەرلەندىرىپ، بىرنەشە ەسە مىقتىلاي تۇسۋگە تىرىسامىن.
- سپورتتاعى دوستىق جايلى نە ايتا الاسىڭ؟
- سپورتتا دا دوستىق بولادى. مەنىڭ ءار وڭىردەن دوستارىم كوپ. بارلىعىمەن جارىس ساتىندە تانىسىپ، ارالاسىپ كەتتىك. ءالى دە جاقسى قارىم-قاتىناستامىز. شىن مانىندە تاتاميگە دەيىن بارلىعىدا دوس بولادى، ەگەر كۇرەس الاڭىنا شىقسا قارسىلاسقا اينالادى. مەندە دە ءدال سولاي. ءوز نامىسىڭدى قولدان جىبەرمەۋ ءۇشىن الاڭدا قارسىلاستا بولاسىڭ. الايدا، ومىردە سىيلاستىعىمىز ءبارىبىر جوعارى.
- سپورتشى بولۋ ءۇشىن، سول جولدا بيىك بەلەستەردى باعىندىرۋ ءۇشىن قانداي بولۋ قاجەت؟
- سپورت – ىجداھاتتىلىق پەن ەڭبەكتى تالاپ ەتەدى. سول سەبەپتى، ارينە، ەڭبەكقور بولۋ كەرەك. “ەڭبەك ەتسەڭ ەرىنبەي، تويادى قارنىڭ تىلەنبەي” دەگەن ماقال بەكەر ايتىلماعانعوي. ەڭبەك ەتكەن ادامعا بارلىعىدا بولادى. بار كۇشىڭىزدى سالىپ، شىدامدىلىقپەن كۇتە بىلسەڭىز، كورگەن، سەزىنگەن قيىن ساتتەردىڭ جەمىسى بولارى انىق.
- وسى ۋاقىتقا دەيىن يەلەنگەن ەڭ ۇلكەن جەتىستىگىم دەپ نەنى ايتار ەدىڭ؟
- ول 2020 جىلى انتاليا قالاسىندا وتكەن “ەۋروپا كۋبوگىندە” قولا جۇلدەگەر اتانعانىم. وسى ۇلكەن جەتىستىگىم دەپ بىلەمىن.
- اشىق اڭگىمە ءۇشىن العىسىم شەكسىز. ەلدىڭ نامىسىن جىبەرمەي، كوك تۋىن بيىك قالىقتاتاتىن دزيۋدويست بولۋىڭا تىلەكتەسپىز!
جۇماباي ايىمجان
You Might Also Like
-
وندىرىستىك تاجىربيە جەتەكشىسى ەسبولوۆا ءمولدىر اۋەلتايەۆنانىڭ جەتەكشىلىگىمەن ءال-فارابي اتىنداعى قازۇۋ فيلوسوفيا جانە ساياساتتانۋ فاكۋلتەتى مادەنيەتتانۋ ماماندىعىنىڭ 2ء-شى كۋرس ستۋدەنتى تۋرلىبايەۆا ج...
