InfoHub Logo

1 - maýsym Halyqaralyq balalardy qorǵaý kúnine arnalǵan jazǵy saýyqtyrý senarııi.
Taqyryby: «Bar meıirimimiz balalarǵa»
Júrgizýshi:
- Sálemetsizder me, balalar! Búgin Halyqaralyq balalardy qorǵaý kúni. Bizdiń balabaqshada búgin mereke. Sizder mereke jaqsy kóresizder me?
Balalar:
- Ia.
Júrgizýshi:
Baqshamyzda búgin uzaq oınaıyq,
Balalardy qorǵaý kúnin toılaıyq.
Alaqaı aý, alaqaı!
Toı toılaıyq, balaqaı!
Taqpaq aıtyp, kezektesip, bir birlep,
Kel, qosylyp án shyrqaıyq, bı bılep!
Alaqaı aý, alaqaı!
Án shyrqaıyq, balaqaı!
Uǵyp sózin tárbıeshi apanyń,
Gúl jaınaımyz aıasynda Otannyń!
Alaqaı aý, alaqaı!
Gúl jaınaıyq, balaqaı!
- Endeshe, aldaryńyzda №1, 2 toptardyń búldirshinderi taqpaqtaryn aıtady.
1. Bala, bala, balamyz,
Baqshamyzǵa baramyz.
Kúni boıy qyzyqqa
Batamyz da qalamyz!
2. Qıynsynyp qashpaımyz,
Shynyǵamyz jastaı biz.
Kóńildi áýen sazymen
Jattyǵýdy bastaımyz.
3. Iilemiz ońǵa bir,
Iilemiz solǵa bir:
Tárbıeshi qaraıdy
Aıaqqa bir, qolǵa bir.
4. Úırenemiz óner biz,
Shetimizden shebermiz:
Taqpaq aıtyp, án shyrqap,
Bılep bılep beremiz.
5. Áıbat jasyl aýlamyz:
Kóbelekte aýlaımyz.
Bizge arnaıy jasaǵan
Syrǵanaımyz «taýdan» biz.
6. Mine, vagon, kiremiz,
Poezben jol júremiz.
«kemege» de minemiz,
Tolqyndardy tilemiz.
7. «Raketamen» ushamyz,
Kókten ári asamyz.
Talǵat aǵa jolymen
Talaı juldyz ashamyz.
8. Bala, bala, balamyz,
Baqshamyzǵa baramyz.
Odan kóp - kóp qyzyqtar
Kúnde bizder alamyz.
Án «Qoshaqanym» barlyq toptar.
Júrgizýshi:
- Óte jaqsy! Mereke kúni men sizderge banan syılaǵym kelip tur. (Júrgizýshi sebetti izdeıdi, taba almaıdy. Ornynan hat tabady.) Oı, balalar, qarańyzdar! Banan salynǵan sebet ornynan hat qoıyp ketipti. Oqyp kóreıik.
Hat: «Sizderdiń syılyǵyńyz mende! Banandaryńyzdy men alyp kettim. İzdemeńder! Taba almaısyńdar! Qaraqshy.»
Júrgizýshi:
- Mássaǵan! Bizdiń banandarymyzdy qaraqshylar urlap ketipti. Endi ne isteımiz, balalar? Qaraqshyny taýyp alyp, syılyqtarymyzdy qaıtyp alaıyq! Kelistik pe?
Balalar:
- Ia.
Júrgizýshi:
- Onda barlyǵymyz saıahatqa shyǵaıyq!
Kóńildi áýen qosylady. Barlyq balalar men júrgizýshi áýen yrǵaǵymen bir orynda júredi.
Kenet aldarynan Mystan kempir kezdesedi:
- Eeeeı, eeeeeı, eeeeeı! ( Árli - berli sypyrtqysymen júgirip ótedi) Eeeeı, neǵyp júrsińder?
Júrgizýshi:
- Sálemetsiz be, Mystan ájeı! Biz qaraqshyny izdep saıahatqa shyǵyp edik. Sebebi ol bizdiń balalarymyzdyń syılyǵyn suraýsyz alyp ketti.
Mystan kempir:
- Eeeee, solaı de! Kóńilińiz túspesin, balalar! Men balalardyń daýysyn estip qýanyp qalyp edim. Men kóńildi balalardy jaqsy kórem. Ne istesem eken?! Olaı bolsa bı bılep alaıyq. Sosyn men sizdermen birge saıahatqa shyǵamyn!
Júrgizýshi:
- Jaraıdy onda. Balalarmen qandaı bı bıleısiz?
Mystan kempir:
-«Býgı - výgı» bıin.
Bıge № 1, 2 top balalary shyǵady.
Mystan kempir:
- Sizderdiń áli kóńil kúıińiz joq sıaqty ǵoı! Balaqaılar, men únemi sypyrtqymmen ushyp júrem. Kim menimen ushqysy keledi?
Balalar:
- Men, men, men...
Mystan kempir sypyrtqynyń artyna balalardy kezekpen otyrǵyzyp júgirip shyǵady. Balalar máz bolyp kúledi.
Mystan kempir:
- Ýh, ah, sharshadym! Belim aı! Qart bolǵasyn ár jeriń aýyrady. Qoı, men bir tynyǵyp alaıyn!
Júrgizýshi:
- Jaqsy, Mystan ájeı! Balalardyń qasyna jaıǵasyp otyra ǵoı! Al, biz saıahatty jalǵastyraıyq.
Kóńildi áýenmen Saıqymazaq kezdesedi:
- Sálem, balaqaılar!
Balalar:
- Sálemetsiz be!
Saıqymazaq:
- Meniń atym Tınkı. Sizderdi merekemen quttyqtaımyn! Árqashan ata - anańyzdy renjitpeıtin, aqyldy balalar bolýyńyzǵa tilektespin.
Júrgizýshi:
- Rahmet, Tınkı! Biz saıahattap bara jatyrmyz, sebebi bizdiń balalarymyzdyń syılyǵyn qaraqshy urlap ketipti. Sony izdep bara jatyrmyz.
Saıqymazaq:
- Abyrjymańdar! Ol qaraqshyny tabamyz. Men basqa elderde turatyn dostaryma telefon shalaıyn, qaraqshyny tabýǵa kómektessin.
Júrgizýshi:
- Kel, balalarymyzben birge kóńil kóter. Balalarymyz taqpaqtar biledi, án de aıtady.
Taqpaqtar:
№3, 4 top balalary
1. Balǵyndardyń úninde
Kóktemdegi bulaq bar.
Balǵyndardyń júzinde
Jazǵy jaıma - shýaq bar.

2. Balǵyndardyń kózinde
Tazalyqtyń sáni bar.
Balǵyndardyń sózinde
Danalyqtyń dáni bar.

3. Balǵyndardyń oıynda
Balaýsa arman bar izgi,
Balǵyndardyń oıynynda
Erteńgi istiń bar izi!

4. Ázir tıtteı boıymyz,
Ázir balań oıymyz,
Tek qýamyz oıyn biz.
Degenmen de, kún sanap,
Ósip kele jatyrmyz,
Beske tolǵan batyrmyz!

1 - maýsym Halyqaralyq balalardy qorǵaý kúnine arnalǵan jazǵy saýyqtyrý senarııi. Bar meıirimimiz balalarǵa. júkteý