InfoHub Logo

1 naýryz - Alǵys aıtý kúnine arnalǵan tárbıelik shara

Taqyryby: «Alǵysym sheksiz...»
Maqsaty: balalardyń «syılastyq» qundylyǵy týraly túsinikterin keńeıtý
Mindetteri: - rızashylyq pen alǵys týraly túsinik berý;
- úlken - kishige degen súıispenshiligin, sypaıylyq qarym - qatynasyn damytý;
- ádeptilikke, kishipeıildilikke, izettilikke tárbıeleý
-"alǵys kúni"uǵymynyń maǵynasyn ashý, balalardyń túsiný, bul uǵymdar mańyzdy bolyp tabylady olardyń árqaısysy damytý úshin mádenı qundylyqtar men adamı qarym - qatynasyn qalyptastyrý;
Ádisteri: synı turǵydan oılaý tehnologıasynyń strategıalary, oıyn, túsindirý, áńgimelesý.
Kórnekilikteri: túrli – tústi qaryndashtar, rebýstar, túrli – tústi qaǵazdar.
Barysy:
İ. Uıymdastyrý
Rızashylyq óleńin oqý
Rızamyn búginge,
Rızamyn búginge,
Rızamyn búginge,
Rızamyn qazirge!
Rızamyn, rızamyn, rızamyn búginge,
Rızamyn, rızamyn, rızamyn qazirge.
Spasıbo za segodná
Spasıbo za segodná
Spasıbo za segodná
Spasıbo za seıchas
Spasıbo Spasıbo Spasıbo Spasıbo za segodná 2 - ret
Spasıbo Spasıbo Spasıbo Spasıbo za seıchas
Talaıly taǵdyrlardyń basyn óz shańyraǵynyń astyna biriktirip, qanatymen sý sepken qarlyǵashtaı, qamqorlyǵyna alǵan Qazaqstanda adamnyń adamǵa qurmet kórsetetin kúni belgilenbek. Memleket basshysy Nursultan Nazarbaev barlyq ulttyń bir - birine jáne qazaqtarǵa alǵys aıtý kúnin bekitýdi usyndy.
İİ. Kirispe.
Taqyryptyń maqsatyn túsindirý.
Áńgimelesý
Rızashylyq degenimiz ne?
Alǵys degendi qalaı túsinesińder?
- Adam óziniń rızashylyǵyn, alǵysyn qandaı sózdermen bildiredi?
- Senderge kim qandaı jaǵdaıda alǵys aıtty?
- Ózderiń qandaı jaǵdaıda alǵys aıtyp kórdińder?
Balalardyń jaýaptary tyńdalady.
İİİ. Negizgi bólim.
Rızashylyq - adamnyń basqa adamnan kórgen jaqsylyǵy, kómegi, kóńili úshin qanaǵattanýshylyq jáne alǵys bildirýshilik sezimi.
- Alǵys – adamnyń adamǵa jasaǵan jaqsylyǵy, kómegi, kóńili úshin rızashylyq bildirýi, sondaı - aq onyń oıy men is - áreketine, jasaǵan isterine joǵary baǵa berýi.
Rızashylyq uǵymymen taǵy qandaı uǵymdar baılanysty? Adamdar arasyndaǵy yntymaqty qarym - qatynastyń ornaýy ár adamnyń ózine jáne qorshaǵan ortasyna tikeleı baılanysty.
1 "Rızashylyǵymyzdy bildire alamyz ba?"
1. Rahmet aıtý týǵan jerge...( ol beredi maǵan nan, úı, azyq - túlik jáne t. b.)
2. Rahmet aıtý elimizdiń Prezıdentine, óıtkeni... (osyndaı elbasymyzdyń arqasynda damýshy memlekette ómir súrip jatqanymyzǵa jáne tatý - tátti beıbitshilik ómir súrip jatqanymyzǵa)
3. Biz alǵysymyzdy ata - analarǵa aıtqymyz keledi...
 4. Rahmet aıtý bizdiń ustazdar men qyzmetkerlerge...
 5. Rahmet aıtý adamdarǵa dostaryńyzǵa...
2 «Jumbaqtardy shesh»
1. Shańyraq – kún,
Ýyqtary - nur, shashqan.
Eki pyraq, kók aspanǵa ulasqan.
Jarqyraıdy temirqazyq juldyzy,
Jol kórsetip, alǵa bas - dep, Qazaqstan! (Eltańba)
2. Ystyq deıdi ony ottan,
Patrıot ony unatqan.
Ońbaıdy bul ómirde,
Adam ony joǵaltqan. (Otan)
3. Baspana kóshpendige óte yńǵaıly,
Ádemi meken eken, janǵa jaıly.
Tentektik istep qoısań, áke - shesheń,
Seni taǵy buryshqa qoıa almaıdy. (Kıiz úı)
4. Egiz qaıyń,
Boı - bastary teń ósken.
İske daıyn,
Butaqtary bes - besten. (Qol)
5. Qınalmaı taýlardy, ormandy,
Teńizdi, darıa, jondardy,
Aýyldy, qalany, halyqty...,
Oılap tap, kótergen alypty. (Jer)

3 «Rebýstardy shesh»

(Aıgúl)
(Almagúl)
(Botakóz)
(Altyn)
(qarǵa)
(Ton)
(laq)
(qazaq)

Ánýarbek Dúısenbıevtiń «Ne deý kerek?» óleńin oqyp berý.
Apań seniń bazardan
Alma satyp ákeldi.
Eń úlkenin jaqsysyn
Saǵan tańdap áperdi.
Ne dep baryp jeý kerek?
«Rahmet» deý kerek.

- Balalar júr kóshede
Estiledi aıqaı - shý.
Sen de shyqtyń kórshińdi
Qaǵyp kettiń baıqamaı.
Mundaıda ne deý kerek?
«Keshirińiz» deý kerek.

- Ájeń seniń túski asqa
Qant - kámpıt saldy mol.
Jurttan buryn ydysqa
Óz betińmen saldyń qol.
Jón edi ne aıtqanyń?
«Ruqsat pa» deý kerek.

- Dobyn apar Nazardyń
Dedi aǵań, barmadyń.
Tapjylmadyń, sazardyń,
Aǵa tilin almadyń.
Sen qaı sózdi aıtpadyń?
«jaraıdy» deý kerek.

Qorytyndylaý
- Balalar, jyly sóz, qaıyrymdy is, jaqsy oı, kirshiksiz sezimderińdi eshkimnen eshqashan aıamańyzdar. «Rahmet» degen qasıetti sózdi jıi aıtyńdar. Adam alǵys pen rızashylyqty estigen saıyn, jaqsylyq jasaǵysy kelip turatynyn este saqtańdar. Ómirdiń árbir sátin baǵalaı bilýge úırenińder jáne Tabıǵat – Anaǵa meıirimdi kúni úshin, kóńildi jańbyry men aq qary úshin, jumsaq aq ulpa bulty úshin, jaqyn adamdarǵa qaıyrymdylyǵy men rıasyz mahabbaty úshin alǵys aıtýdy umytpańdar.
«Kúnshýaq» oıynyn oınatý. Ár balaǵa kúnniń shýaqtaryn beredi. Balalar jaqsy tilekterin aıtyp kúnge japsyrady.
Búgingi is - shara senderge unady ma?
Osy is – sharadan ózderiń úshin qandaı jańalyq ashtyńdar?
Osy is – sharadan keıin qorshaǵan ortaǵa degen kózqarastaryn ózgerdi me? Ózgerse qalaı?