InfoHub Logo

11 synyp oqýshylaryna arnalǵan «Biryńǵaı mektep formasyn engizý qajet pe?» debat.

Qurmetti oqýshylar men ustazdar! El prezıdenti aıtqandaı «Básekege qabiletti memleket bolý úshin biz saýattylyǵy joǵary elge aınalýymyz kerek». Bul mindetti atqarý bizderge tikeleı baılanysty. qazirgi bilim salasyna qoıylyp otyrǵan zaman talaby óz oıy men pikiri bar, shyǵarmashylyqpen jumys jasaı alatyn, qabiletti de quzyretti tulǵany tárbıeleý. Osy jolda muǵalimder men oqýshylarǵa qoıylatyn mindetter asa úlken. Oqýshy qandaı bolýy kerek – dep suraq qoısaq, onyń bir qyry balanyń mádenıeti men kıimine kelip soǵady. Sondyqtan biz búgin oqýshy kıimi qandaı bolýy kerek degen suraqqa jaýap bere alsaq onda bizdiń debatymyzdyń óz maqsatyna jaqyndaǵany dep esepteımiz.
Sonymen búgingi debatymyzdyń negizgi maqsaty:
Bilimdilik: Oqýshylardy jan - jaqty izdenis jumystaryna baýlý, mektep formasynyń biryńǵaı mektep erejesiniń tarmaǵy ekendigin, tártippen tárbıede mektep formasynyń alatyn orny týraly oı qalyptastyrý.
Damytýshylyq: Oqýshyny kópshilik aldynda erkin sóıleýge, óz oıyn jetik, tolyq jetkizýge, sóıleý mádenıetin damytýǵa baǵyttaý.
Tárbıelik: Talapqa saı biryńǵaı mektep formasynyń tıimdi - tıimsiz jaqtaryn kórsetý, oqýshylardyń oı pikirin damytyp, dúnıe tanymyn arttyrý maqsatynda rýhanı adamgershilik tárbıe berý.
«Taıaqtyń eki ushy bar» degendeı Qazaqstan mektepterine biryńǵaı mektep formasyn engizýdiń de tıimdi - tıimsiz jaqtary bar. Biz osy jaıynda óz oı - pikirimizdi tarazyǵa salyp kóreıik.
Qatysýshylar: Jaqtaýshy «Aqıqat» toby, Dattaýshy «Parasat» toby.
Saıysymyzdyń erejelerimen bólimderimen tanystyryp óteıin.

Saıysymyzdyń bólimderi:
İ. Kirispe
1. Eki fraksıada úsh spıkerden bolady.
2. Eki fraksıanyń spıkerleri ózderin tanystyrady.

İİ. Negizgi bólim
1. Negizgi kezeń bunda spıkerler argýmentpen (dáleldemelermen) mysaldar, statısıkalyq málimettermen tanystyrady.
2. Eki fraksıanyń usynysarymen qosymshalary.
3. Eki fraksıa bir - birine suraq qoıady.

İİİ. Qorytyndy.
1. Zalda otyrǵan qatysýshylarǵa 2 tústi kartochka taratylady. Jaqtaýshy jaqty qoldaıtyndar jasyl kartochka, dattaýshy jaqty qoldaıtyndar kók kartochkany jáshikke salamyz.
2. Tóreshiler eki fraksıanyń saıysta jınaǵan saraptamalyq daýystaryn jarıalaıdy.
3. Qorytyndy.

Saıysymyzdyń erejesi:
1. Bos aıtys, tartystan aýlaq bolý.
2. Qarsylasyńdy tyńdaý, syılaý.
3. Mysqyl suraqtar qoıýǵa bolmaıdy.
4. Qarama - qarsy suraqtarǵa berilgen ýaqytty tıimdi paıdalaný.
5. Qosymsha qoıylatyn suraqtarǵa daıyn bolý shart.
Saıysymyzdyń tóreshilerimen tanystyraıyq:
------------------------------------
Saıysymyzdy bastamas buryn jerebe taratylyp qaı fraksıanyń birinshi bastaıtyny belgili bolady.
Endeshe birinshi bólimge kezek bereıik. Tanystyrý. Ár top ózderin tanystyrady. Ýaqytyńyz 1 mınýt.
Jaqtaýshy jaqtyń spıkerleri (Aqıqat toby. 3 oqýshydan)
Dattaýshy jaqtyń spıkerleri (Parasat toby. 3 oqýshydan)
Júrgizýshi: Qarsylastar ózderin tanystyryp bolǵan syńaıly, endi negizgi kezeńge kezek bersek deımiz. Oqýshylar bul kezeńde óz pikirlerin aıtady, olardy dáleldeıdi, kerekti faktiler, mysaldar, statısıkalyq málimetter keltiredi. Jaqtaýshy men qarsy dattaýshy jaqtyń spıkerleri ár dálel boıynsha kezekpen kezek sóıleıdi. Ýaqyttaryńyz shekteýli – 3 mınýt.